Получите быстрые ответы, проверенные экспертами:
Янги ходимга ШЖБПҲ рақамини қандай қилиб бир неча дақиқада очиш мумкин (йўриқнома)
2021 йил 1 июндан 16 ёшга тўлган шахсларга идентификация ID-карталарини бериш билан бир вақтда жамғариб бориладиган пенсия тизимида ҳисобга қўйиш амалга оширилади 
.
Аммо корхонага илгари расмий равишда ишламаган катта ёшдаги шахс – паспорт билан, лекин ШЖБПҲ рақамисиз келиб қолиши мумкин. Сиз унинг рўйхатга олиниши масаласини «Халқ банки» сайти орқали нисбатан тез ҳал қилишингиз мумкин.
Buxgalter.uz нимани ва қандай қилиш кераклигини тушунтиради:
Муҳим янгиликларни ўтказиб юбормаслик учун Телеграм-каналимизга обуна бўлинг.
1. «Халқ банки» сайтига ҳавола >>> орқали киринг ва «ШЖБПҲ очиш» тугмасини босинг.
2. Очилган шаклда зарур майдонларни тўлдиринг – янги ходимнинг паспорт (ID-карта) серияси, рақами ва ЖШШИР рақами, туғилган санасини ҳамда CAPTCHA кодини киритинг. «Излаш» тугмасини босинг.
Эътибор беринг
Агар браузерингизда саҳифаларни автоматик таржима қилиш созланган бўлса, бу маълумотларни тўғри киритишга халақит бериши мумкин. Саҳифа таржима қилинмаганлигига ва айнан сизга керакли тилда очилганига ишонч ҳосил қилинг.
3. Янги ходимнинг маълумотлари кўрсатилган ойнада «Тасдиқлаш» тугмасини босинг.
Эътибор беринг
Биз функционални синаб кўрганимизда ҳаммаси тахминан учинчи уринишда муваффақиятли бўлди, чунки сервер техник тўсиқлар юзага келтирди. Аммо бу рўйхатга олиш усули барибир ишлайди.
4. Жисмоний шахсни ШЖБПҲ бўйича ҳисобот тизимида ташкилотингизга бириктириш учун ҳаволаси >>> орқали ўтинг ва ташкилотнинг ЭРИ билан тизимга киринг.
5. Сайтнинг «Сўровномалар» бўлимида ўнг бурчакда «Сўровнома қўшиш» функциясини танланг. Қуйи майдонга янги ходимнинг пенсия ҳисобварағи рақамини киритинг ва "Излаш" тугмасини босинг. Ходимнинг Ф.И.Ш. унинг ҳисобварағи рақами билан кўрсатилади. «Қўшиш» тугмасини босинг ва ходим ташкилотингизга бириктирилади.
Buxgalter.uz тавсия этади:
- ШЖБПҲга бадалларни қандай ҳисоблаш ва тўлаш керак;
- Шахсий жамғариб бориладиган пенсия ҳисобварағи нима.
Юлия ТАРШИЛОВА тайёрлади
