Мобил илова орқали божхона тўловлари бўйича солиштирма далолатномани қандай олиш мумкин

Божхона органлари депозитидаги маблағлар қолдиғи ҳақида маълумот олиш ва божхона тўловлари бўйича солиштирма далолатномани юклаб олишда «Божхона тўловлари бўйича солиштирма далолатнома» деб номланган махсус илова ёрдам беради.

Buxgalter.uz тафсилотларни аниқлаштирди:

«Божхона тўловлари бўйича солиштирма далолатнома» иловасидан фойдаланиш учун:

1. Иловани юклаб олинг ва ишга туширинг. ДБҚ сайтидаги ТИФ иштирокчисининг шахсий кабинети орқали логин ва пароль сўранг (ЭРИ калити ва СТИР керак бўлади):

2. Депозитдаги маблағлар қолдиғи иловага кирганидан сўнг дарҳол кўрсатилади.

3. Солиштирма далолатномани олиш учун параметрларни белгиланг (қуйида чиққан рўйхатдан керакли божхона бошқармасини ва солиштириш даврини танланг). «Маълумот олиш» тугмасини босгандан сўнг сўралган маълумотлар билан саҳифа очилади.

Саида ЖАНИЗАКОВА тайёрлади