V бўлим. 3-§. Чет эл валютасидаги пул маблағларини ҳисобга олувчи счётлар 5200

25.09.2021

226. Ўзбекистон Республикаси ҳудудидаги ва хориждаги банклардаги чет эл валютасидаги ҳисобрақамларда мавжуд пул маблағлари ва улар ҳаракати тўғрисидаги маълумотлар қуйидаги счётларда умумлаштирилади:

5210 «Мамлакат ичидаги валюта ҳисобрақамлари»;

5220 «Чет элдаги валюта ҳисобрақамлари».

227. 5210-«Мамлакат ичидаги валюта ҳисобрақамлари» ва 5220-«Чет элдаги валюта ҳисобрақамлари» счётларининг дебетида валюта счётларига пул маблағларининг келиб тушиши, кредитида эса пул маблағларининг ечилиши акс эттирилади. Банк кўчирмаларини текшириш пайтида валюта ҳисобрақамларининг дебети ёки кредитига суммалар хато киритилганлиги аниқланса, улар 4860-«Даъволар бўйича олинадиган счётлар» ёки 6960-«Даъволар бўйича тўланадиган счётлар» счётлари билан корреспонденцияда акс эттирилади.

Валюта ҳисобрақамлари бўйича операциялар бухгалтерия ҳисобида банк кўчирмалари ва уларга илова қилинган пулли ва ҳисоб-китоб ҳужжатлари асосида акс эттирилади.

Чет эл валютасидаги пул маблағларини ҳисобга олувчи счётлар (5200) бўйича аналитик ҳисоб чет эл валютасидаги пул маблағларини сақлаш учун банкларда очилган ҳар бир счёт бўйича юритилади.

228. Чет эл валютасидаги пул маблағларини ҳисобга олувчи счётлар (5200) бўйича корреспонденция:

Хўжалик операциясининг мазмуни	Счётлар корреспонденцияси
Хўжалик операциясининг мазмуни	дебет	кредит
Ижарага берилган асосий воситалар бўйича ижарачидан ижара тўловларининг келиб тушиши	5210, 5220	4810, 4820
Маҳсулотлар (товарлар, ишлар, хизматлар), асосий воситалар ва бошқа активларнинг сотилишидан тушган валюта	5210, 5220	4010
Валюта маблағлари кассадан ҳисобрақамга топширилди	5210, 5220	5020
Чеклар ва аккредитивларнинг ишлатилмаган суммалари валюта ҳисобрақамига ўтказилди	5210, 5220	5510–5520
Илгари қисқа муддатли инвестиция тартибида берилган қарзлар қайтарилди	5210, 5220	5830
Илгари берилган бўнаклар қайтарилди	5210, 5220	4310–4330
Қондирилган даъво суммалари келиб тушди	5210, 5220	4860
Олинган бўнаклар суммаси	5210, 5220	6300, 7310
Илгари акцияларга обуна бўлган таъсисчилар улушлари суммасининг келиб тушиши	5210, 5220	4610
Акциянинг номинал қийматидан юқори баҳода сотилишидан кўрилган эмиссия даромади суммаси	5210, 5220	8410
Инвестицияларга маблағлар киритилди	0610–0690, 5810–5890	5210, 5220
Банкдан кассага валюта маблағлари келиб тушди	5020	5210, 5220
Корхона ўз акцияларини қайтариб сотиб олди	8610, 8620	5210, 5220
Мол етказиб берувчилар ва пудратчилар олдидаги қарзлар сўндирилди	6010	5210, 5220
Берилган бўнаклар суммаси	4310–4330	5210, 5220
Илгари олинган бўнаклар қайтарилди	6300, 7310	5210, 5220
Таъсисчиларга ҳисоблаб ёзилган дивидендларнинг тўланиши	6610	5210, 5220
Ҳисоблаб ёзилган фоизлар бўйича қарзларнинг қопланиши	6920	5210, 5220
Қисқа муддатли кредит ва қарзлар сўндирилди	6810–6840	5210, 5220
Узоқ муддатли кредит ва қарзларнинг жорий қисми қопланди	6950	5210, 5220
Ижарага берувчига тегишли бўлган тўловлар тўланди	6910, 6950	5210, 5220

Чтобы получать новости от Buxgalter.uz первыми, подписывайтесь на Telegram-канал

Поделиться:

Публикации по теме: