Назорат қилинадиган битимлар тўғрисидаги хабарномани қачон ва қандай тақдим этиш керак

Читать на русском языке
preview

СКнинг 182-моддасига асосан солиқ тўловчилар солиқ органларини календарь йилда ўзлари тузган назорат қилинадиган битимлар тўғрисида хабардор қилиши шарт. Буни қандай амалга ошириш ва хабарнома жўнатилмаган тақдирда нима бўлиши ҳақида гапириб берамиз.

 

Муҳим саналар ва фойдали йўриқномаларни ўтказиб юбормаслик учун бизнинг телеграм-каналимизга обуна бўлинг.

 

Хабарномани ким ва қачон топшириши керак

Назорат қилинадиган  битимлар жумласига кирадиган битимлар рўйхати СКнинг 180–181-моддаларида келтириб ўтилган. Ўзаро алоқадор шахсларнинг белгилари СКнинг 37-моддасида келтириб ўтилган. Ушбу моддаларнинг нормалари сиз 2023 йилда у ҳақда солиқ органларини махсус тарзда хабардор қилишингиз керак бўладиган битимларни амалга оширган ёки оширмаганлигингизни тушунишга ёрдам беради. Агар амалга оширган бўлсангиз – бу ҳақда солиқ органларини молиявий ҳисоботни тақдим этиш муддатидан кечиктирмай хабардор қилинг  .

Маълумот учун

Йиллик молиявий ҳисобот қуйидаги муддатларда топширилади:

  • ҳисобот йилидан кейинги йилнинг 15 февралидан кечиктирмай – барча хўжалик юритувчи субъектлар, қуйида кўрсатилганлар бундан мустасно . Аксарият юридик шахслар ушбу санадан кечиктирмай тақдим этади;
  • ҳисобот йилидан кейинги йилнинг 25 мартидан кечиктирмай – хорижий инвестициялар иштирокидаги корхоналар ва чет эл фирмалари ваколатхоналари ;
  • ҳисобот йилидан кейинги йилнинг 15 мартига қадар – юридик шахс мақомига эга бўлган бюджет ташкилотлари ;
  • ҳисобот йилидан кейинги йилнинг 15 мартидан кечиктирмай – вазирликлар, идоралар, уюшмалар, корпорациялар, концернлар ва давлат мулкини бошқарувчи бошқа органлар .

 

Назорат қилинадиган битимлар тўғрисида хабарномани қандай тақдим этиш керак

Назорат қилинадиган битимлар тўғрисида хабарномани my3.soliq.uz сайти орқали юборинг. Бунинг учун кетма-кет қуйидагиларни танланг:

  • “Хизматлар”;
  • “Норматив-ҳуқуқий ҳужжатлар билан солиқ маъмуриятчилиги доирасида назарда тутилган хабарномаларни давлат солиқ хизмати органларига жўнатиш”;
  • “Назорат қилинадиган битимлар тўғрисида хабарнома”.

 

Шаклни тўлдириш учун сизга қуйидаги ахборот талаб қилинади:

  • амалга оширилган назорат қилинадиган битимлар тўғрисида маълумотлар тақдим этиладиган календарь йил;
  • битимлар предмети;
  • битимлар иштирокчилари тўғрисида маълумотлар:

а) юридик шахснинг тўлиқ номи ва унинг СТИРи (агар юридик шахс Ўзбекистоннинг солиқ органларида ҳисобда турса);
б) якка тартибдаги тадбиркорнинг Ф.И.Ш. ва унинг СТИРи;
в) якка тартибдаги тадбиркор бўлмаган жисмоний шахснинг Ф.И.Ш. ва фуқаролиги;

  • назорат қилинадиган битимлар бўйича олинган даромадлар ва (ёки) қилинган харажатлар (кўрилган зарар) – нархлари тартибга солиниши лозим бўлган битимлар бўйича даромадлар (харажатлар) суммалари ажратилган ҳолда. Ушбу маълумотлар бир турдаги битимлар гуруҳи бўйича тайёрланиши мумкин.

❖

Доимий муассасалар назорат қилинадиган битимлар тўғрисида хабарномани тақдим этишлари керакми, бу ҳақда биз сайтда алоҳида мақолада батафсил гапириб берганмиз.

 

Хабарнома жўнатилмаган тақдирда нима бўлади

Бундай битимлар тўғрисида ахборотни яширишдан маъно йўқ, сабаби солиқ органлари ҳар қандай ҳолда солиқ текшируви ёки солиқ мониторинги чоғида улар тўғрисидаги ахборотни олади. Бу ҳолда қуйидагилар рўй беради:

1) қўшимча ҚҚС, фойда солиғи, ЖШДС, акциз солиғи, ер қаъридан фойдаланганлик учун солиқ ҳисоблаш;
2) СКнинг 226-моддасига биноан тўланмаган солиқ суммасининг 40 фоизи миқдорида жарима.

 

Агар сизда хабарномани юбориш бўйича қўшимча саволлар юзага келса, сиз уларни  71 244-98-09 телефон рақами (ички рақамлар: 01879, 01243, 01622, 01620, 01281) орқали тўғридан-тўғри Солиқ қўмитасининг мутахассисларига беришингиз мумкин.

 

Buxgalter.uz тавсия қилади

Юристлар ва экспертлардан ушбу мавзуга доир муҳим йўл-йўриқларни сиз Buxgalter PROнинг қуйидаги тавсияларида топасиз:

 

Олег ГАЕВОЙ тайёрлади