Ногиронлиги бўлган ходим учун тўланган ижтимоий солиқни қайтаришга ариза қандай топширилади

2022 йил 1 мартдан 2024 йил 1 мартга қадар иш берувчиларга 6 ой давомида узлуксиз меҳнат фаолиятини амалга ошираётган ногиронлиги бўлган шахслар учун тўланган ижтимоий солиқ суммаси тўлиқ қайтариб берилади . Солиқ қўмитаси иш берувчи бу ҳолда тўланган солиқ суммасини қайтариш учун аризани қандай бериши кераклигини тушунтирди. Тавсиядан фойдаланамиз:

Барча иш берувчилар тўланган ижтимоий солиқни қайтариб олишлари мумкин, бундан бюджет ташкилотлари, давлат корхоналари ва УФ (УК)да давлат улуши 50% ва ундан ортиқ бўлган юридик шахслар мустасно . 

Ҳаракатлар алгоритми: 

1. My3.soliq.uzдаги шахсий кабинетга киринг. 

2. “Хизматлар” тоифасидаги “Электрон ҳужжат айланиши” бўлимида “Ижтимоий солиқ суммасини қайтариш”ни танланг. “Ногиронлар учун” иловасини очинг.

3. Қайтариб олмоқчи бўлган йил ва даврни (ойларни) кўрсатинг. Ариза берувчи тўғрисидаги маълумотлар (номи, СТИР, манзили ва фаолият тури, банк реквизитлари) солиқ органларининг маълумотлар базаси асосида автоматик тарзда шаклланади. 

4. Аризага иловани тўлдиринг. Жадвалда ногиронлиги бўлган ходимнинг ЖШШИР, солиқ ставкаси, ойлик иш ҳақи суммаси ва муайян ойларни қўлда киритинг. Ҳатто сиз ижтимоий солиқ суммасини қайтариш учун аризани бир йўла бир неча ой учун топширсангиз ҳам, унда ҳар бир ходим бўйича жадвалдаги сатрлар ҳар ой учун алоҳида тўлдирилиши керак. 

5. Жадвални тўлдиргандан сўнг, пастки сатрларда ходимларнинг умумий сони ва қайтарилиши лозим бўлган ижтимоий солиқнинг якуний суммаси автоматик тарзда шакллантирилади. “Аризани шакллантириш” тугмасига босинг. 

6. Аризада ва унга иловаларда тақдим этилаётган маълумотларнинг тўғрилиги ва тўлиқлилигини текширинг. Зарур бўлса, шаклни тўлдириш чоғида йўл қўйилган хатоларни тузатинг. 

7. “Аризани жўнатиш”га босинг.

Аризани кўриб чиқиш ҳолатини “Юборилган аризалар” иловасида кузатиб боринг.

Манбага қаранг.