Қандай қилиб ШЖБПҲга тўлов топшириқномасини шакллантириш ва ҳисоботни жўнатиш керак

ШЖБПҲни тўлаш учун тўлов топшириқномасини my3.soliq.uz даги шахсий кабинетда шакллантириш, реестрни эса nps.xb.uz да жўнатиш мумкин.

Буни қандай амалга оширишни тушунтирамиз:

1. ШЖБПҲни тўлаш учун тўлов топшириқномасини қандай шакллантириш керак

My3.soliq.uz даги шахсий кабинетда:

• «Юридик шахслар солиқларини тўлаш» бўлимига киринг;
• «101 – ШЖБПҲга ажратма»ни танланг ва ўз маълумотларингизни тўлдириб тўлов топшириқномасини жўнатинг. Тўловдан сўнг у «Халқ банки» тизимидаги ШЖБПҲ бўйича ҳисоботда автоматик равишда акс этади.

2. ШЖБПҲ бўйича Реестрни қандай жўнатиш керак

1) nps.xb.uz/nps/auth.fb даги шахсий кабинетга киринг. Киришнинг муқобил варианти ҳақида биз бу ерда ёзганмиз > > >;

2) реестрда тўлдирилмаган майдонларни тўлдиринг. Агар сиз тўловни амалга оширган бўлсангиз, тўлов топшириқномаси, унинг рақами ва санаси реестрда аллақачон акс этган бўлиши керак. «Сақлаш» тугмасига босинг;

3) «Ходим қўшиш» катакчаси орқали ҳар бир ходим учун маълумотларни тўлдиринг. Агар сизда ходимлар сони кўп бўлса, «Реестр қўшиш» ва кейин «Файлни юклаш» тугмачалари орқали маълумотларни юклаш мумкин.

Эълон қилинган ва ҳақиқий сумма ҳар доим бир хил бўлиши керак. Агар мос келмаса, демак кимнингдир маълумотлари нотўғри киритилган.

4) Реестрни шакллантиргандан сўнг «Барча реестрлар» қисмида шакллантирилган реестрни тасдиқланг. Шундан сўнг унинг ҳолати «Ўтказилган»га ўзгаради.

3. Сўровнома қандай қўшилади

Агар реестрга янги ходимни қўшишингиз керак бўлса, буни «Сўровномалар» катакчаси орқали амалга ошириш мумкин. «Сўровномани қўшиш»да ШЖБПҲ рақамини киритинг, «қидириш» тугмасига босинг. Керакли маълумотлар чиққанда, «Қўшиш» катакчасига босинг.

Агар олдин ишдан бўшатилган ходим сизга қайтиб келган бўлса (сиз уни рўйхатда «Бўшаганлар»га ўтказган бўлсангиз), бу ҳолда тиклаш учун «Қайтариш» катакчасига босишингиз керак ва у яна керакли ҳолатда пайдо бўлади.

Юлия ТАРШИЛОВА тайёрлади