Солиқчилардан хабарнома олинганда, 4-invest (asosiy) shakliни топшириш керакми

Айрим ташкилотлар my3.soliq.uz сайтидаги солиқ тўловчининг шахсий кабинетига чораклик статистика ҳисоботининг 4-invest (asosiy) shakliни топшириш зарурлиги ҳақида солиқ органининг хабарномасини олди. Ваҳоланки Миллий статистика қўмитаси сайтидаги ҳисоботлар рўйхатида хўжалик юритувчи субъектнинг бундай ҳисоботи мавжуд эмас.

Бу вазиятда бухгалтер нима қилиши керак?

4-invest (asosiy) shakli ҳисоботи (Инвестиция фаолияти, биноларни ва иншоотларни фойдаланишга топшириш ҳақидаги ҳисобот)ни қуйидагилар тақдим этишидан бошлайлик:

• қурилишнинг хўжалик бошқаруви органлари, шу жумладан иқтисодий фаолиятнинг барча турларини амалга оширувчи юридик шахслар (кичик корхона микрофирмалари, фермер хўжаликлари, нотижорат ташкилотларидан ташқари) – ҳисоботнинг 1, 2, 4 ва 5-боблари;
• инвестиция лойиҳасининг ижрочилари (ташаббускорлари) – ҳисоботнинг 3-боби;
• Қорақалпоғистон Республикаси Вазирлар Кенгаши, вилоят ҳокимликлари ва Тошкент шаҳри ҳокимлигининг мухандислик компаниялари, бошқа юридик шахслар – ҳисоботнинг 6-боби (ижтимоий объектлар қурилиши).

Шунга мувофиқ, агар сиз кичик бизнес тоифасига кирмасангиз, ННТ бўлмасангиз ва фермер хўжалиги бўлмасангиз – ҳеч шубҳасиз ҳисоботни топшириш керак. Агар тегишли фаолият  бўлмаса, у ҳолда – бўш ҳисоботни топширасиз (маъмурий жарималарни олмаслик учун).

4-invest (asosiy) shakli – чораклик ҳисобот. Тақдим этиш муддати – ҳисобот давридан кейинги ойнинг 6-санасидан кеч эмас (яъни – сўнгги муддат – 6 октябрь, душанба).

Солиқчилар ўз билдиришномасида муддатларни бузиш, тўлиқ бўлмаган ёки нотўғри маълумот тақдим этиш учун маъмурий жавобгарлик ҳақида эслатади (МЖтК 215, 230 ва 305-моддалари).

Агар сиз юридик шахсларнинг санаб ўтилган тоифаларига мансуб бўлмасангиз ва сизда stat.uz да тақдим этиладиган ҳисоботлар рўйхатида 4-инвест (асосий) шакли мавжуд бўлмаса, бу бошқа масала. Лекин бунда сиз ҳам билдиришнома олдингиз.

Миллий статистика қўмитаси ходимлари сизга шуни тавсия қилади: агар билдиришнома келган бўлса, ҳисоботни топшириш керак. Энг сўнггида уни рад этишлари мумкин, лекин сиз жаримага учрамайсиз ва тушунтиришларга вақт сарфламайсиз, бу муҳим.

Buxgalter.uz тавсия қилади

 

• Статистик ҳисоботни қандай тақдим этиш керак;
• Масъул ходим алмашганда e-stat 4.0 дастурида ҳисоб маълумотларини қандай ўзгартириш керак.

Юлия ТАРШИЛОВА тайёрлади