ШЖБПҲдаги мажбурий бадаллар қандай ушлаб қолинади

Иш берувчилар ҳар ойда, ҳисобот ойидан кейинги ойнинг 15-кунигача реестрларни тақдим этадилар ва ходимларнинг шахсий жамғариб бориладиган пенсия ҳисобварағига бадаллар тўлайдилар .

Ҳисоблаш, умуман олганда, мураккаб эмас, лекин амалда нозик томонлари бўлиши мумкин. Шахсий жамғариб бориладиган пенсия ҳисобварағига мажбурий бадалларни ва олиниши лозим бўлган иш ҳақи миқдорини қандай ҳисоблашни мисол тариқасида кўриб чиқамиз:

Масалан, ҳисобот ойи учун ходимга 5 000 000 сўм иш ҳақи ҳисобланди.

ЖШДС ҳисоблаймиз:

• 5 000 000 х 12% = 600 000 сўм.

ШЖБПҲга бадалларни ҳисоблаймиз:

• 5 000 000 х 0,1% = 5 000 сўм.

Бюджетга тўланиши лозим бўлган ЖШДС суммаси қуйидагиларни ташкил этади:

• 600 000 – 5 000 = 595 000 сўм.

Ходим қўлига қуйидагиларни олади:

5 000 000–595 000-5 000 = 4 400 000 сўм.

Энди нозик жиҳатлар:

1) ходим солиқ солишдан қисман озод қилиш тарзидаги ЖШДС бўйича имтиёзга эга бўлиш ҳуқуқига эга;

2) ходимда нафақат мажбурий, балки ШЖБПҲга ихтиёрий бадаллар ҳам мавжуд;

3) ходим ўз ШЖБПҲдан ихтиёрий бадалларнинг бир қисмини уларни киритган ҳисобот йили тугагунига қадар муддатидан олдин олса.

Ушбу мисолларнинг барчаси, шу жумладан ШЖБПҲга мажбурий ва ихтиёрий бадаллар бўйича бухгалтерия ўтказмалари, тавсияда батафсил кўриб чиқилади:

• ШЖБПҲ бадалларни қандай ҳисоблаш ва тўлаш мумкин.

Buxgalter.uz тавсия қилади

 

• 2025 йил октябрь ойи учун ЖШДС ва ШЖБПҲга бадалларни қандай ҳисоблаш мумкин;
• ЖШДС ва ижтимоий солиқ бўйича ҳисоботни қандай тўлдириш керак;
• ЖШДС ва ижтимоий солиқ ҳисоб-китобини тўлдириш намунаси;
• Қурилиш ташкилотлари ЖШДС ва ижтимоий солиқ ҳисоб-китобини қандай тўлдириши керак.