Полезное для бухгалтера в декабре:
Ягона интерактив давлат хизматлари портали ана шундай имкониятни тақдим этмоқда.
ЯИДХПнинг «Транспорт» бўлимида «Транспорт воситалари эгаларининг фуқаролик жавобгарлигини мажбурий суғурта қилиш бўйича компенсация тўловини олиш учун электрон илтимоснома бериш» хизмати пайдо бўлди.
У барча жисмоний шахсларга ярим автоматик режимда тақдим этилади.
«Транспорт воситалари эгаларининг фуқаролик жавобгарлигини мажбурий суғурта қилиш тўғрисида»ги Қонун асосида Транспорт воситалари эгаларининг фуқаролик жавобгарлигини мажбурий суғурта қилиш бўйича тўловларни кафолатлаш жамғармаси хизмат кўрсатади.
Эслатиб ўтамиз, компенсация тўловларини амалга ошириш тўғрисидаги талаб жабрланувчининг ҳаёти, соғлиғи ва (ёки) мол-мулкига зарар етказилган кундан эътиборан 3 йил ичида билдирилиши мумкин. Компенсация тўловлари суд харажатларини, шунингдек жарималар ва бошқа шу каби тўловларни қопламайди.
Жабрланувчига (унинг меросхўрига ёки ҳуқуқий ворисига) тўланган компенсация тўлови суммаси жабрланувчига етказилган зарар учун жавобгар шахсдан Тўловларни кафолатлаш жамғармасининг даъвосига кўра регресс тартибида ундириб олинади. Жамғарма мазкур шахсдан компенсация тўлови ҳақидаги жабрланувчининг талабини кўриб чиқиш учун қилинган харажатлар қопланишини талаб қилишга ҳам ҳақли (Қонуннинг 25, 27, 28-моддалари).
Хизмат ҳақида қўшимча ахборот олиш учун қуйидаги телефон орқали мурожаат қилиш мумкин: (+998) 71 200-02-21.
