Қонунчиликдаги янгиликлар
Материал санаси 18.08.2026
13.08.2026 йилдаги ЎРҚ-1164-сон Қонун билан «Бизнесга лицензиясиз кириш» махсус режими жорий этилмоқда. Бу мулкдор учун фаолиятни тезроқ бошлаш имконияти бўлса, бухгалтер учун – янги саволлар демакдир.
Амалиётда нималар ўзгариши ва бухгалтер нималарга дуч келиши мумкинлигини buxgalter.uz сайтида таҳлил қиламиз: ...
Материал санаси 18.08.2026
Асоссиз текширувлардан ҳимоя қилиш, бизнеснинг янги тоифалари, тадбиркорлик соҳасидаги мажбурий талабларнинг ягона реестри ва хусусийлаштириш натижаларининг ҳуқуқий дахлсизлиги – Ўзбекистонда тадбиркорлар учун фаолият шартларини ўзгартирадиган ЎРҚ-1168-сон Қонун (17.08.2026 й.) имзоланди.
Бизнес ва давлат ўртасидаги муносабатларда нималар ўзгарди, энди қонун билан қандай преференциялар кафолатланади – buxgalter.uz шарҳида: ...
Материал санаси 18.08.2026
Президентнинг 14.08.2026 йилдаги ПҚ-294-сон қарори Ўзбекистонда муддатли тўлов (bnpl-хизматлар ва товар кредити) соҳасини тартибга солади. Янги қоидалар 2027 йил 1 январдан кучга киради ва товарларни муддатли тўлов асосида сотишда шаффофликни ошириш ҳамда истеъмолчилар ҳуқуқларини ҳимоя қилишга қаратилган.
Муддатли тўлов хизмати операторлари сифатида кимлар тан олинади ва уларга қандай талаблар қўйилади – buxgalter.uz шарҳида: ...
Материал санаси 14.08.2026
Нодавлат нотижорат ташкилотларининг ўзига хос хусусиятларини ҳисобга олувчи биринчи миллий стандарт – 77-сонли МҲМС «Нодавлат нотижорат ташкилотлари учун соддалаштирилган бухгалтерия ҳисоби ва молиявий ҳисобот» тасдиқланди.
Стандарт 2028 йил 1 январдан бошлаб кучга киради. Ушбу санагача ННТлар амалдаги қоидалар асосида ҳисобни юритадилар ва ҳисоботларни топширадилар.
Нималар ўзгаришини – Иқтисодиёт ва молия вазирлигининг Бухгалтерия ҳисоби услубиёти ва аудиторлик фаолиятини тартибга солиш бошқармаси бошлиғи ўринбосари Асал ҲОШИМОВА билан биргаликда buxgalter.uz сайтида таҳлил қиламиз. ...
Материал санаси 13.08.2026
«Солиқ-сервис» акциядорлик жамияти томонидан фермерларнинг бухгалтерия ҳисобини юритиш қоидалари тасдиқланди. Низом (11.08.2026 й. АВ рўйхат рақами 3921-сон) фермер хўжаликларига бухгалтерия хизматларини кўрсатиш регламентини мустаҳкамлаб қўяди. Ҳужжат кимлар давлат ҳисобидан ҳисобга олиш хизматларининг тўлиқ спектридан фойдаланиши мумкинлигини, қайси тоифаларга эса шартнома асосида пулли асосда хизмат кўрсатилишини белгилайди.
Фермерларга қандай хизматлар ва қандай шартларда тақдим этилиши ҳақида – buxgalter.uz шарҳида ўқинг. ...
Материал санаси 07.08.2026
Президентнинг 05.08.2026 йилдаги ПҚ–293-сон қарори чорвачилик тармоғини давлат томонидан қўллаб-қувватлаш чораларини – шу жумладан, наслдор урғочи чорва молларини сақлаш учун тўғридан-тўғри субсидиялар бериш, кредитларни қайтариш муддатларини узайтириш, махсус жамғармалар ва банклар орқали имтиёзли молиялаштириш ҳамда сервис тузилмаларини ташкил этишни назарда тутади.
Чорвачилик учун қандай қўллаб-қувватлаш чоралари ва субсидиялар назарда тутилганлиги – buxgalter.uz шарҳида: ...
Материал санаси 05.08.2026
2026 йил 1 октябрдан бошлаб фаолиятида I–IV хавфлилик синфига мансуб чиқиндилар ҳосил бўладиган корхоналар статистика ҳисоботини шакллантириши шарт. Ушбу ва бошқа мажбуриятлар Президентнинг 03.08.2026 йилдаги ПҚ-289-сон қарорида белгиланган.
Батафсил – buxgalter.uz шарҳида. ...
Материал санаси 04.08.2026
«Банк хизматлари истеъмолчилари билан ўзаро муносабатларни амалга оширишда тижорат банкларининг фаолиятига қўйиладиган минимал талаблар тўғрисидаги низом»га киритилган навбатдаги тузатишлар пакети истеъмолчилар ҳуқуқларини ҳимоя қилишда тизимли ёндашувни мустаҳкамлайди, мижозларга йўналтирилганликни ва банк раҳбариятининг шахсий масъулиятини оширади.
Ҳужжат Марказий банк бошқарувининг қарори билан қабул қилинган бўлиб, расмий эълон қилинган кундан эътиборан бир ой ўтгач – 2026 йил 4 сентябрдан кучга киради.
Тафсилотлар – buxgalter.uz шарҳида. ...
Материал санаси 03.08.2026
Таклиф этилаётган 70-сонли МҲМС «Қишлоқ хўжалиги фаолияти ҳисоби» аграр секторда бухгалтерия ҳисоби тизимини яхшилашга қаратилган. Ушбу ҳужжат қишлоқ хўжалигининг ўзига хос хусусиятларига йўналтирилган биринчи соҳавий стандарт бўлади.
Regulation.adliya.uz порталида жамоатчилик муҳокамаси учун 70-сонли Молиявий ҳисоботнинг миллий стандарти (МҲМС) «Қишлоқ хўжалиги фаолияти ҳисоби» лойиҳаси (лойиҳа ID-си: 10841) тақдим этилди.
Муҳокамада 2026 йил 11 августга қадар ҳавола орқали иштирок этиш мумкин.
Батафсил – buxgalter.uz сайтида. ...
Материал санаси 31.07.2026
Вазирлар Маҳкамасининг 29.07.2026 йилдаги 416-сон қарори билан Ўзбекистон Республикаси ҳудудига олиб кириладиган маҳсулотларга нисбатан тариф квоталари тизимини Жаҳон савдо ташкилоти (ЖСТ) стандартларига мослаштирган ҳолда ислоҳ қилинади. Ҳужжат ушбу квоталарни тақсимлашнинг аниқ, шаффоф ва тўлиқ рақамлаштирилган механизмини жорий этади.
Тафсилотлар – buxgalter.uz сайтидаги шарҳда: ...
Материал санаси 29.07.2026
27.07.2026 йилда қабул қилинган ЎРҚ-1161-сон Қонун давлат органи ёки унинг мансабдор шахсининг ноқонуний қарорлари ёки ҳаракатлари (ҳаракатсизлиги) туфайли етказилган зарар ва маънавий зиённинг қонуний қопланишини кафолатлаган ҳолда юридик ва жисмоний шахсларнинг ҳуқуқларини ҳимоя қилишга қаратилган.
Қонун расмий эълон қилинган кундан эътиборан 6 ой ўтгач – 2027 йил 28 январдан кучга киради. ...
Материал санаси 29.07.2026
2026 йил 1 августдан бошлаб миллий қонунчиликдаги асосий ўзгаришларнинг анъанавий шарҳини тақдим этамиз. ...
Материал санаси 28.07.2026
Ўзбекистон Республикаси ҳудудида қўлланилиши эътироф этилган МҲХСга ўзгартириш ва қўшимчалар киритилди (24.07.26 й. АВ рўйхат рақами 3400-сон, Иқтисодиёт ва молия вазирининг буйруғи). Ҳужжат расмий эълон қилинган кундан – 25.07.2026 йилдан кучга кирди. ...
Материал санаси 24.07.2026
Жамоатчилик муҳокамасига қўйилган Президент Фармони лойиҳаси Ўзбекистон суғурта бозорини 2030 йилгача ислоҳ қилишнинг кенг кўламли дастури ҳисобланади.
Лойиҳада юридик шахслар ва якка тартибдаги тадбиркорларни суғурта қилишнинг янги мажбурий турлари, суғурта агентларининг воситачилик ҳақини чеклаш, суғурта мукофотларининг солиқ кешбеки назарда тутилган бўлиб, соҳа назорати Истиқболли лойиҳалар миллий агентлиги ва Солиқ қўмитаси тизимлари орқали автоматик режимга ўтказилмоқда.
Муҳокамада 2026 йил 6 августгача ҳавола орқали иштирок этиш мумкин.
Тафсилотлар – buxgalter.uz шарҳида: ...
Материал санаси 24.07.2026
Солиқ текширувларини ташкил этиш ва ўтказиш тартиби тўғрисидаги низомга 20.07.2026 йилдаги 393-сонли янги ВМҚ билан ўзгартиришлар киритилди.
Эндиликда Низомда солиқчиларнинг камерал текширувда солиқ тўловчининг асослантиришларини кўриб чиқиш ва уларга белгиланган шакллар бўйича жавоб бериш мажбурияти расман мустаҳкамлаб қўйилди. Шунингдек, сайёр солиқ текширувларини ўтказиш асослари кенгайтирилди.
Батафсил – buxgalter.uz шарҳида: ...
Материал санаси 23.07.2026
Ўзбекистонда ўхшаши ишлаб чиқарилмайдиган янги технологик ускуналар импорти Вазирлар Маҳкамаси томонидан тасдиқланадиган рўйхат СК 246-м. 6-б. бўйича ҚҚС ва божхона божи тўлашдан озод этилади. Рўйхат 20.07.2026 йилдаги 393-сон ВМҚга мувофиқ тўлдирилди: ...
Материал санаси 23.07.2026
Regulation.adliya.uz порталида «Лизинг хизматлари кўрсатиш соҳасини такомиллаштириш»га қаратилган қонун лойиҳаси жамоатчилик муҳокамаси учун эълон қилинди (лойиҳа ID: 10115). Лизинг компанияларининг молиявий барқарорлиги устидан назоратни кучайтириш, йиллик аудитни жорий этиш, фуқаролар ва якка тартибдаги тадбиркорлар учун лизинг хизматлари бозорини очиш режалаштирилмоқда.
Муҳокамада 2026 йил 6 августгача иштирок этиш мумкин.
Лойиҳа мазмуни ҳақида батафсил – buxgalter.uz шарҳида. ...
Материал санаси 23.07.2026
Қишлоқ хўжалиги вазирлиги ва Солиқ қўмитасининг қарори (21.07.2026 й. АВ рўйхат рақами 3905-сон) билан қишлоқ хўжалиги товар ишлаб чиқарувчилари томонидан етиштирилган ва ҚҚСнинг «ноль» ставкаси бўйича солиқ солинадиган қишлоқ хўжалиги маҳсулотлари рўйхати тасдиқланди.
Янги рўйхатни buxgalter.uz сайтида юклаб олиш мумкин: ...
Материал санаси 23.07.2026
20.07.2026 йилдаги 393-сон ВМҚ билан киритилган тузатишлар ҳисоб-китобларни янада рақамлаштиришга, улгуржи ва чакана савдода нақд пулсиз тўлов усулларини кенгайтиришга қаратилган. Шунингдек, улар белгиланган қоидаларни бузганлик учун сотувчиларнинг жавобгарлигини кучайтиради. Ўзгартиришлар қонун ҳужжатларини ўзаро мувофиқлаштириш мақсадида киритилган.
Айрим тузатишлар шарҳи buxgalter.uz сайтида келтирилган: ...
Материал санаси 22.07.2026
20.07.2026 йилдаги 393-сон янги ВМҚ билан ҚҚС суммасини қоплаш тартиби ва ҳисобварақ-фактуралар шакллари тўғрисидаги низомларга тузатишлар киритилди. Батафсил маълумот buxgalter.uz сайтида: ...
Бизнинг Facebook
Телеграм канали @uz_buxgalter
