Воситачида харажатларни қоплаш қандай ҳисобга олинади

ҚҚС тўловчи бўлган комитент воситачига транспорт харажатларини қоплаб беради. Буни бухгалтерия ҳисобида қандай тўғри акс эттиришни “Норма” эксперти Татьяна ЛИМАРЕВА тушунтирди:

– Комитент воситачига воситачилик топшириғини бажаришда қилинган харажатларни қоплаши шарт :

• товарни сотувчидан комитентнинг омборигача етказиш бўйича транспорт харажатлари;
• юкни ортиш, тушириш, қўриқлаш харажатлари;
• божхона тўловлари, курсдаги фарқ бўйича харажатлар, агар комитентнинг буюртмасига асосан товар чет элдан импорт контракти бўйича харид қилинса;
• топшириқни бажариш муносабати билан бевосита юзага келадиган бошқа харажатлар.

Комитент товарларни воситачида сақлаш харажатларини қопламайди, агар қонун ҳужжатларида ёки воситачилик шартномасида бошқача тартиб назарда тутилган бўлмаса .

Қопланадиган харажатлар:

    1) воситачида харажатларни ҳисобга олувчи счётларда акс эттирилмайди, балки комитентда харажатлар сифатида ҳисобга олинади;

    2) воситачининг ҳисоботида ва кўрсатилган хизматлар тўғрисидаги далолатномада кўрсатилади;

    3) воситачининг ҳисобварақ-фактурасида унинг воситачилик ҳақи суммасига кўрсатилмайди.

Ўтказмалар

Вазиятни шартли мисолда кўриб чиқамиз. Воситачилик шартномаси ва воситачининг ҳисоботига асосан ҚҚС тўловчиси бўлган комитент унинг товарини реализация қилиш билан боғлиқ 575 минг сўм миқдорида транспорт харажатларини қоплайди. Шу жумладан ҚҚС - 75 минг сўм.

Харажатлар ҚҚСсиз - 500 минг сўм (575 – 75).