Вақтинча меҳнатга лаёқатсизлик нафақасига ижтимоий солиқ солинадими

“Вақтинча меҳнатга лаёқатсизлик нафақасига ижтимоий солиқ солинадими? Агар солинмаса, жисмоний шахслардан олинадиган даромад солиғи ва ижтимоий солиқ ҳисоб-китобида уни қандай акс эттириш керак – 1-иловадами ёки 5-иловадами?”. 

Buxgalter.uz илтимосига биноан саволга Солиқ қўмитасининг Солиқ низоларини судгача ҳал қилиш бошқармаси бошлиғи Гулнора НИЗАМУТДИНОВА жавоб берди:

– Вақтинча меҳнатга лаёқатсизлик нафақаларига ижтимоий солиқ солинмайди, сабаби у меҳнатга ҳақ тўлаш тарзидаги даромадларга кирмайди СК 403-м.. Бу – жисмоний шахсларнинг бошқа даромадлари СК 377-м..

Нафақалар ЖШДС ва ижтимоий солиқ ҳисоб-китобида акс эттирилади:

1) 012-сатрда;

2) 5-иловада (шаблон-файл) – ҳар бир жисмоний шахс бўйича. “Даромад тури” иловасининг 7-устунида 4 рақами “Бошқалар”ни кўрсатинг.

Солиқ ҳисоботида тўғри акс эттирилган тақдирда  нафақа суммасига ижтимоий солиқ ҳисобланмайди.