Ташкилотнинг молиявий ҳолатини қандай текшириш мумкин

Зарур даражадаги эҳтиёткорлик чораларини кўриш доирасида СК 15-м. сизга ЯИДХПнинг «Хўжалик жамиятининг тўловга қобилиятсизлиги (банкротлиги) ҳақида маълумот олиш» хизмати фойдали бўлади. Контрагентнинг бу мақомини унинг СТИРи орқали my.gov.uz ёки stat.uz сайтлари орқали текшириш мумкин. Шунингдек, бундай хизматни айрим ЭҲА операторлари ҳам тақдим этади.

Буни қандай қилиш мумкинлигини buxgalter.uz аниқлаштирди:

1. Ягона интерактив давлат хизматлари портали

ЯИДХП хизматидан фойдаланиш учун:

1) OneID орқали ЯИДХПга кириб, ЭРИси ёрдамида тизимга киринг;

2) шахсий кабинетда «Хизматлар рўйхати»ни танланг, кейин «Маълумотномалар» – «Банкротлик ҳақида маълумот»ни танланг;

 

3) очилган ойнада ўнг бурчакдаги «Хизматни олиш» тугмасини босинг;

 

4) тегишли майдонга текширмоқчи бўлган ташкилотнинг СТИРини киритинг.

 

Хизмат бепул. Натижа дарҳол автоматик тарзда шакллантирилади. У қуйидагича кўринишга эга:

 

2. Статистика агентлиги сайти

Статистика агентлигининг бош саҳифаси – stat.uz орқали ҳам шунга ўхшаш хизматни олиш мумкин.

Юқори горизонтал менюда «Интерактив хизматлар» бўлими мавжуд. Унга босиб, очиладиган менюдан «Статистик маълумотларни тақдим этиш» ёки «КТЯДР корхона ва ташкилотлари ҳақида маълумот тақдим этиш»ни танланг. «Хизматни олиш»ни босинг. Бу ерда ҳам ЭРИ орқали авторизация қилиш керак бўлади.

 

 

Юридик шахс ҳақидаги умумий маълумотлар stat.uz сайтидаги «Интерактив хизматлар» - «КТЯДРдан маълумотлар» бўлимида мавжуд.

Бу ерда ҳам очилган ойнада сизни қизиқтирган ташкилотнинг СТИРини киритиб, «ОЛИШ» тугмасини босинг.

 

Маълумотнома шакллантирилган санада долзарб бўлган қуйидаги маълумотларни оласиз:

«Фаоллик ҳолати» қатори бу корхона фаолият юритаётган ёки тугатилган эканлигини кўрсатади.

3. ЭҲА операторлари

ЭҲА операторлари сайтлари орқали ҳам сизни қизиқтирган ташкилот ҳақида умумий маълумотларни бепул олиш ва молия ва солиқлар, ижара, ходимлар сони ва бошқалар ҳақида батафсилроқ маълумот олиш мумкин. Буни Didox мисолида кўрсатамиз. Ушбу операторнинг сайтида авторизациядан сўнг чап вертикал меню панелининг пастки қисмида «Контрагентни текшириш» тугмасини топасиз.

Молия ва солиқлар ҳақидаги маълумот пуллик:

Чекланган маълумотларга киришни унинг эгасидан сўраш керак бўлади:

Контрагентларни текшириш учун бошқа воситалар ҳақида қуйидаги тавсиялардан билиб олишингиз мумкин:

• Бўлажак ҳамкор қандай текширилади ва лозим даражада эҳтиёткорлик қандай амалга оширилади;
• Контрагентларни текшириш бўйича эслатма.

 

Юлия ТАРШИЛОВА тайёрлади