Полезное для бухгалтера в ноябре:
2024 йил 1 январдан бошлаб солиқ органлари бизнесни 5 йил ўрнига сўнгги 3 йил учун текширишга ҳақли. Бу 2023 йил 28 декабрдаги ЎРҚ-891-сон Қонун билан назарда тутилган.
Қонунчиликдаги янгиликларни ўтказиб юбормаслик учун телеграм-каналимизга аъзо бўлинг.
Солиқ мажбурияти бўйича даъво қилиш муддати 5 йилдан 3 йилга қисқартирилди. Бу 2024 йилдан бошлаб солиқ ёки бошқа ваколатли oрган солиқ текширувини фақат 3 йил давомида ўтказишга ҳақли эканлигини англатади:
– солиқ даври тугаганидан кейин;
– ёки солиқ мажбуриятининг юзага келиши муайян воқеа ёки ҳаракат билан боғлиқ бўлса, воқеа ёки ҳаракат содир бўлган пайтдан эътиборан 
.
Солиқ тўловчилар ва солиқ агентлари учун солиқлар бўйича даъво муддатини қисқартириш қуйидагиларни англатади, хусусан:
- эндиликда улар солиқ ҳисоботи ва солиқларни ҳисоблаш ва тўлаш билан боғлиқ бошқа ҳужжатларни 5 йил эмас, балки 3 йил сақлашлари кераклигини ;
- ортиқча тўланган солиқ суммасини ҳисобга олиш ёки қайтариш тўғрисидаги ариза эндиликда ушбу сумма тўланган кундан эътиборан уч йил ичида берилиши мумкинлигини ;
- шунингдек, ортиқча ундирилган солиқ суммаларини ҳисобга олиш ёки қайтариш тўғрисида ариза ундан солиқ ортиқча ундирилгани факти ўзига маълум бўлган кундан ёки суд қарори қонуний кучга кирган кундан эътиборан уч йил ичида берилиши мумкинлигини ;
- трансферт нархни белгилашда солиқ текшируви доирасида текширув ўтказиш тўғрисидаги қарор чиқарилган йилдан уч йилдан ошмайдиган даврда тузилган назорат қилинадиган битимлар текширилиши мумкинлигини . Текшириш ўтказиш тўғрисидаги қарор эса солиқ тўловчи назорат қилинадиган битимлар тўғрисида хабарнома олган кундан бошлаб 3 йилдан кечиктирмай чиқарилиши мумкин ;
- агар солиққа оид ҳуқуқбузарлик содир этилган кундан эътиборан ёки мазкур ҳуқуқбузарлик содир этилган солиқ даври тугаганидан кейинги кундан эътиборан ва жавобгарликка тортиш тўғрисидаги қарор чиқарилган пайтга қадар 3 йилдан ортиқ вақт ўтган бўлса, жавобгарликка тортиш мумкин эмас .
Ўзбекистон Президентининг тадбиркорлар билан очиқ мулоқотида белгиланган вазифаларни амалга ошириш бўйича «Йўл харитаси»да солиқ мажбурияти бўйича даъво қилиш муддатини уч йилга қисқартириш назарда тутилган .
