Қайси статистик ҳисоботларни 6 январгача топшириш керак

Статистика агентлиги 2025 йил 6 январда муддати тугайдиган статистик ҳисоботларни топшириш ҳақида эслатди:

 

Stat.uz сайтида «Интерактив хизматлар» бўлимида «Тақдим этиладиган ҳисоботлар рўйхати» саҳифасида ташкилотнинг СТИРини киритгандан сўнг тақдим этилиши керак бўлган ҳисоботлар рўйхати чиқади.

 

• 4-invest (asosiy) shakli – Инвестиция фаолияти, бино ва иншоотларни фойдаланишга топшириш тўғрисида ҳисобот – ҳисобот давридан кейинги ойнинг 6-санасидан кечиктирмай топширадилар:

 – барча иқтисодий фаолият турларини амалга оширувчи юридик шахслар, шу жумладан қурилишнинг хўжалик бошқаруви органлари (кичик корхоналар, микрофирмалар, фермер хўжаликлари, нотижорат ташкилотларидан ташқари) (1-4-боблар);

 – Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг инжиниринг компаниялари, бошқа юридик шахслар (5-боб);

 – инвестиция лойиҳасининг ижрочилари (ташаббускорлари) (6-боб).

 

• 4-sanoat (mahalliylashtirish) shakli – Маҳсулотлар ва материаллар ишлаб чиқаришни маҳаллийлаштириш бўйича чора-тадбирларни амалга ошириш жараёни тўғрисида ҳисобот – маҳаллийлаштириш дастурларини амалга оширишда иштирок этувчи ташкилотлар ҳисобот давридан кейинги ойнинг 5-санасидан кечиктирмай топширадилар.

 5 январь якшанба бўлгани учун ҳисоботни топширишнинг сўнгги муддати – 6 январь.

 

• 4-sanoat (metal) shakli – Қора ва рангли металлардан ресурс базасининг шаклланиши, маҳсулот ишлаб чиқариш ва сотиш тўғрисида ҳисобот – ҳисобот давридан кейинги ойнинг 5-санасидан кечиктирмай топширадилар:

 – давлат ва хўжалик бошқаруви органлари – идоравий бўйсунувдаги хўжалик юритувчи субъектлар бўйича умумлаштирилган маълумотлар;

 – маҳаллий ижро этувчи ҳокимият органлари – ҳудудий бўйсунувдаги хўжалик юритувчи субъектлар бўйича умумлаштирилган маълумотлар.

5 январь якшанба бўлгани учун ҳисоботни топширишнинг сўнгги муддати – 6 январь.

 

• 4-qx (tashkilot) shakli – Қишлоқ хўжалиги фаолияти тўғрисида ҳисобот – қишлоқ хўжалиги фаолиятини амалга оширувчи ташкилотлар (фермер хўжаликлари, микрофирмалар ва кичик корхоналардан ташқари) ҳисобот давридан кейинги ойнинг 5-санасидан кечиктирмай топширадилар.

 5 январь якшанба бўлгани учун ҳисоботни топширишнинг сўнгги муддати – 6 январь.

 

• 4-fx shakli – Фермер хўжалиги фаолияти тўғрисида ҳисобот – фермер хўжаликлари ҳисобот давридан кейинги ойнинг 5-санасидан кечиктирмай топширадилар.

5 январь якшанба бўлгани учун ҳисоботни топширишнинг сўнгги муддати – 6 январь.

 

• 4-dx shakli – Деҳқон ва ёрдамчи хўжаликлар фаолияти тўғрисида ҳисобот – маҳаллалар фуқаролар йиғинлари ҳисобот давридан кейинги ойнинг 5-санасидан кечиктирмай топширадилар.

5 январь якшанба бўлгани учун ҳисоботни топширишнинг сўнгги муддати – 6 январь.

 

• 4-daftar shakli – Очиқ электрон танлов асосида ижарага берилган ер участкаларида ташкил этилган деҳқон хўжаликларининг қишлоқ хўжалиги фаолияти тўғрисида ҳисобот – ҳисобот давридан кейинги ойнинг 5-санасидан кечиктирмай қуйидагилар топширадилар:

– Иқтисодиёт ва молия вазирлигининг туман (шаҳар) бўлимлари ("Темир дафтар"га киритилганлар фаолияти бўйича);

– Бандлик ва камбағалликни қисқартириш вазирлиги ҳузуридаги Оила ва хотин-қизлар қўмитасининг туман (шаҳар) бўлимлари ("Аёллар дафтари"га киритилганлар фаолияти бўйича);

 – Ёшлар ишлари агентлигининг туман (шаҳар) бўлимлари ("Ёшлар дафтари"га киритилганлар фаолияти бўйича);

 – Қишлоқ хўжалиги вазирлигининг туман (шаҳар) бўлимлари ("Темир дафтар", "Аёллар дафтари" ва "Ёшлар дафтари"га киритилмаган фуқароларга ижарага берилган ер участкалари бўйича).

 5 январь якшанба бўлгани учун ҳисоботни топширишнинг сўнгги муддати – 6 январь.

 

• 4-mehnat shakli – Меҳнат бўйича ҳисобот – юридик шахслар, юридик шахсларнинг алоҳида бўлинмалари (кичик корхоналар ва микрофирмалар, ХУЖМШ, жамоат бирлашмалари, жамоат фондлари, нодавлат муассасалар, фуқароларнинг ўзини ўзи бошқариш органларидан ташқари) ҳисобот давридан кейинги ойнинг 6-санасидан кечиктирмай топширадилар.

 

• 4-transport shakli – Автомобиль, электр (трамвай, метрополитен, троллейбус) транспорти иши тўғрисида ҳисобот – ҳисобот давридан кейинги ойнинг 5-санасидан кечиктирмай қуйидагилар топширадилар:

– балансида ёки ижарасида 5 тадан ортиқ автомобили бўлган юридик шахслар (нотижорат ташкилотлар, кичик корхоналар ва микрофирмалардан ташқари);

– электр транспортида йўловчи ташувчи юридик шахслар.

5 январь якшанба бўлгани учун ҳисоботни топширишнинг сўнгги муддати– 6 январь.

 

• 12-korxona shakli – Ташкилот фаолияти тўғрисида ҳисобот – тижорат ташкилотлари бўлган юридик шахслар (кичик корхоналар, микрофирмалар ва қишлоқ хўжалиги ишлаб чиқарувчиларидан ташқари), тижорат ташкилотлари ва нотижорат ташкилотлар бўлган юридик шахсларнинг алоҳида бўлинмалари ҳисобот давридан кейинги ойнинг 5-санасидан кечиктирмай топширадилар.

5 январь якшанба бўлгани учун ҳисоботни топширишнинг сўнгги муддати – 6 январь.

 

• 12-korxona (savdo) (12-korxona shakliga ilova) – Ҳудудий алоҳида бўлинмаларга эга юридик шахсларнинг улгуржи ва чакана товар айланмаси бўйича ҳисобот – улгуржи, чакана савдо фаолияти ва овқатланишни ташкил этиш билан шуғулланувчи ҳудудий алоҳида бўлинмаларга эга юридик шахслар (кичик корхоналар, микрофирмалар ва қишлоқ хўжалиги ташкилотларидан ташқари) ҳисобот давридан кейинги ойнинг 5-санасидан кечиктирмай топширадилар.

 5 январь якшанба бўлгани учун ҳисоботни топширишнинг сўнгги муддати – 6 январь.

 

• 12-korxona (sanoat) (12-korxona shakliga ilova) – Ҳудудий алоҳида бўлинмаларга эга юридик шахсларнинг саноат маҳсулотларини ишлаб чиқариш бўйича ҳисобот – "Ҳудудгазтаъминот" АЖ ҳисобот давридан кейинги ойнинг 6-санасидан кечиктирмай (йиллик – 6 мартгача) топширади.

 

• 12-korxona (xizmat) (12-korxona shakliga ilova) – Ҳудудий алоҳида бўлинмаларга эга юридик шахслар томонидан кўрсатилган хизматлар тўғрисида ҳисобот – юридик ва жисмоний шахсларга хизмат кўрсатувчи ҳудудий алоҳида бўлинмаларга эга тижорат ташкилотлар (кичик корхоналар, микрофирмалар ва қишлоқ хўжалиги ташкилотларидан ташқари), нотижорат ташкилотлар ҳисобот давридан кейинги ойнинг 5-санасидан кечиктирмай топширадилар.

5 январь якшанба бўлгани учун ҳисоботни топширишнинг сўнгги муддати – 6 январь.

 

 

 

Манбани кўринг.