Ўзини ўзи банд қилган шахс ортиқча тўланган солиқларни қандай қайтариб олади

My3.soliq.uz сайтида ўзини ўзи банд қилган шахснинг шахсий кабинетида янги хизмат пайдо бўлди – «Ўзини ўзи банд қилган шахсларга ортиқча тўланган солиқ суммаларини қайтариш». Ростини айтганда, у ҳозирча ишламаяпти, лекин долзарблигини ҳисобга олиб, уни яқин вақтда «ишлатишга тайёрлаш» имконияти бор.

Шаклни қаердан излаш ва қандай тўлдиришни тушунтирамиз:

1. Мy3.soliq даги ўзини ўзи банд қилган шахснинг шахсий кабинетига кирамиз. Қидириладиган хизматни босамиз:

2. Тўлдириш учун шакл очилади. Вилоят (рўйхатдан ўтиш манзили)ни танлагандан кейин шаклнинг ушбу қисмидаги маълумотлар автоматик тўлдирилади (телефон ва почтадан ташқари, уларни қўлда киритиш керак):

3. Солиқ турини кўрсатиб бўлмайди, шаклнинг бу қисми ишлаб чиқилмаган. Ҳозирги вақтда кўк «Солиқ турларини янгилаш» тугмасини босиш фойдасиз. Лекин шакл ишлаб чиқилгандан кейин ғояга кўра, унинг остидаги кулранг устунлар автоматик тўлдирилиши керак – солиқ ва ғазначилик ҳисоб-китоб рақамлари, ортиқча тўлов суммаси ва ҳ.к.

Ортиқча тўловнинг юзага келиш санаси ва қисқа сабабини мустақил равишда шакллантириш керак. Масалан:

• «Фалон санада солиқ агенти автоматик шаклланган Юридик шахслар томонидан ўзини ўзи банд қилган шахслар тўлаши лозим бўлган солиқ суммаларини тўлов манбаидан ушлаб қолишга оид Ҳисоб-китоб бўйича мен томонидан илгари тўланган суммаларни ҳисобга олмасдан тўлов амалга оширди».

Кейинчалик ўзини ўзи банд қилган шахс чиқиб келадиган рўйхатдан ортиқча тўланган солиқни қайтариш ёки ҳисобга қабул қилишни танлаши мумкин. Амалиёт шуни кўрсатадики, ҳисобга қабул қилиш билан ҳамма вақт осонроқ бўлади. Тизим ҳисобга қабул қилиш учун «100-Айланмадан олинадиган солиқ» ёки «СОРЖ-199»ни таклиф қилади.

Айланмадан олинадиган солиқни танлаймиз, шундан кейин шахсий ҳисобрақамлари учун майдонлар (солиқ ва ғазначилик) автоматик тарзда тўлдирилади.

Суммани қўлда киритамиз, ёзма тарзда ёйиб бериш автоматик пайдо бўлади.

4. Ҳозирча ҳаммаси шу. «Юбориш» тугмаси ишламайди, чунки муҳим «Солиқ тури» майдони тўлдирилмай қолган.

«Ушбу хизматни олиш бўйича ёрдам» бўлими ҳозир шундай кўринишда:

Умуман олганда маслаҳат шундай: солиқ тўловчининг кабинетини ҳар куни кузатамиз. Эрта ёки кечга шаклланган вазиятни ҳисобга олиб, бу ишлайди.

Барча ўзини ўзи банд қилган шахсларга омад! Бу уларга албатта керак бўлади...

Buxgalter.uz тавсия этади

 

• Солиқ органининг маълумотлар базасида нотўғри маълумотлар акс этган бўлса, нима қилиш керак;
• Фойда солиғи бўйича ортиқча тўловни нима қилиш мумкин;
• Корхона солиқ хизмати томонидан ўзини ўзи банд қилган шахсларни штат ходимлари сифатида қайта малакалашидан қандай қутулиб қолиши мумкин;
• Жисмоний шахсларнинг қайси даромадлари жами даромадга киритилмайди ва иш берувчи фаолияти билан боғлиқ эмас.