Адлия вазирининг 18.07.2007 й. 132-мҳ-сон "Норматив-ҳуқуқий ҳужжатни Давлат реестридан чиқариш тўғрисида"ги Буйруғи (АВ томонидан 18.07.2007 й. 192-1-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

18.07.2007 й.

N 192-1

ЎЗБЕКИСТОН РЕСПУБЛИКАСИ

АДЛИЯ ВАЗИРИНИНГ

18.07.2007 й.

N 132-мҳ

БУЙРУҒИ

Норматив-ҳуқуқий ҳужжатни

Давлат реестридан чиқариш тўғрисида

(2007 йил 28 июлдан кучга киради)

Ўзбекистон Республикаси Вазирлар Маҳкамасининг "Вазирликлар, давлат қўмиталари ва идоралар меъёрий ҳужжатларининг қонунийлигини таъминлаш чора-тадбирлари тўғрисида" 1997 йил 9 октябрдаги 469-сон қарорига асосан ҳамда "Ўздонмаҳсулот" давлат-акциядорлик корпорациясининг 2003 йил 20 октябрдаги 32-сон буйруғини инобатга олган ҳолда, БУЮРАМАН:

1. Ўзбекистон Республикаси Адлия вазирлиги томонидан 1995 йил 22 ноябрда 192-сон билан давлат рўйхатидан ўтказилган, "Ўздонмаҳсулот" давлат акциядорлик корпорацияси томонидан 1995 йил 9 ноябрда 117-сон билан тасдиқланган "Юридик ва жисмоний шахсларга нон ва нон маҳсулотларини пишириш учун рухсатнома бериш тартиби" Ўзбекистон Республикаси вазирликлари, давлат қўмиталари ва идоралари норматив-ҳуқуқий ҳужжатларининг Давлат реестридан чиқарилсин ва бу ҳақда мазкур Давлат реестрига тегишли ёзув киритилсин.

2. "Ўздонмаҳсулот" давлат акциядорлик компанияси мазкур ҳужжатнинг Давлат реестридан чиқарилганлигини барча манфаатдор шахслар эътиборига етказиши лозимлиги маълумот учун қабул қилинсин.

3. Идоравий меъёрий ҳужжатларни давлат рўйхатидан ўтказиш бошқармаси (С. Саттаров) ушбу норматив-ҳуқуқий ҳужжатни Давлат реестридан чиқарилганлигини барча манфаатдор шахслар эътиборига етказилиши устидан назоратни таъминласин.

4. Қонун ҳужжатларини туркумлаш ва ҳуқуқий ахборот бошқармаси (А. Инанбабаев) ушбу норматив-ҳуқуқий ҳужжатни "Ўзбекистон Республикаси қонун ҳужжатлари тўплами" - "Собрание законодательства Республики Узбекистан"да нашр этилишини таъминласин.

5. Мазкур буйруқнинг ижросини назорат қилиш вазир ўринбосари Е. Каньязов зиммасига юклансин.

Адлия вазири                                                                      Ф. Отахонов

"Ўзбекистон Республикаси қонун ҳужжатлари тўплами", 2007 йил, 29-30-сон, 309-модда.