Ўзбекистон Республикаси Президентининг 27.12.2007 й. ПҚ-759-сон "Халқаро шартномани тасдиқлаш тўғрисида"ги Қарори

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

27.12.2007 й.

N ПҚ-759

ХАЛҚАРО ШАРТНОМАНИ

ТАСДИҚЛАШ ТЎҒРИСИДА

1. Ўзбекистон Республикаси Ҳукумати билан Туркманистон Ҳукумати ўртасида 2007 йил 18 октябрь куни Ашхобод шаҳрида имзоланган давлат чегараси орқали ўтиш пунктлари ҳақидаги Битим тасдиқлансин.

2. Ўзбекистон Республикаси Ташқи ишлар вазирлиги Ўзбекистон Республикаси мазкур халқаро шартнома кучга кириши учун зарур бўлган ички давлат тартиб-қоидаларини бажаргани тўғрисида тегишли билдиришнома йўлласин.

3. Ўзбекистон Республикаси Вазирлар Маҳкамаси ҳамда тегишли вазирлик ва идоралар раҳбарлари ушбу халқаро шартнома кучга киргандан кейин белгиланган тартибда Ўзбекистон Республикасининг мажбуриятлари бажарилиши устидан назоратни таъминласинлар.

4. Мазкур қарорнинг ижросини назорат қилиш Ўзбекистон Республикаси Бош вазири Ш.М. Мирзиёев зиммасига юклансин.

Ўзбекистон Республикаси Президенти                            И. Каримов

"Ўзбекистон Республикаси қонун ҳужжатлари тўплами", 2007 йил, 52-сон, 537-модда.