Законодательство
ВСЕ ЗАКОНОДАТЕЛЬСТВО УЗБЕКИСТАНА

Ўзбекистон Республикаси Президентининг 19.01.1995 й. ПФ-1068-сон "1995 йилги пахта ва бошоқли дон экинлари ҳосили етиштириш ҳамда давлатга сотишни иқтисодий рағбатлантиришга оид чора-тадбирлар тўғрисида"ги Фармони

Полная версия документа доступна на платных тарифах

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ФАРМОНИ

19.01.1995 й.

N ПФ-1068



1995 ЙИЛГИ ПАХТА ВА БОШОҚЛИ

ДОН ЭКИНЛАРИ ҲОСИЛИ ЕТИШТИРИШ

ҲАМДА ДАВЛАТГА СОТИШНИ ИҚТИСОДИЙ

РАҒБАТЛАНТИРИШГА ОИД ЧОРА-ТАДБИРЛАР

ТЎҒРИСИДА


Пахта ва дон етиштиришни янада кўпайтиришдан қишлоқ хўжалик корхоналарининг моддий манфаатдорлигини ошириш ва қишлоқда ижтимоий масалаларни ҳал қилиш мақсадида:


1. Сотиш юзасидан белгиланган топшириқни бажарган хўжаликлар ихтиёрида қолдирилган маҳсулотлар улуши пахта толаси ҳажмининг 40 фоизгача ва бошоқли дон экинлари харид ҳажмининг 50 фоизгача оширилсин, тегишли равишда илгари белгиланган давлат буюртмаси ҳажмлари пахта толаси 67 фоиздан 60 фоизгача ҳамда бошоқли дон экинларига 50 фоизгача камайтирилсин.


2. Ўзбекистон Республикасининг Молия вазирлиги 10 кун муддат ичида пахта ва бошоқли дон экинларининг харид нархлари бўйича, шунингдек пахта толасининг улгуржи нархлари бўйича Вазирлар Маҳкамасига таклифлар киритсин.


3. Ўзбекистон Республикаси Президентининг "Қишлоқ хўжалигини ривожлантиришни иқтисодий рағбатлантиришга оид чора-тадбирлар тўғрисида" 1994 йил 22 августдаги Фармонининг 2-банди ўз кучини йўқотган деб ҳисоблансин.



Ўзбекистон Республикасининг Президенти                          И. Каримов



“Ўзбекистон Республикаси Олий Мажлисининг Ахборотномаси”, 1995 й., 4-сон, 59-модда