Ўзбекистон Республикаси Президентининг 06.01.1994 й. ПФ-725-сон "Ўзбекистон Республикаси жамоа хўжаликларининг Намунавий уставини тасдиқлаш тўғрисида"ги Фармони

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ФАРМОНИ

06.01.1994 й.

N ПФ-725

ЎЗБЕКИСТОН РЕСПУБЛИКАСИ

ЖАМОА ХЎЖАЛИКЛАРИНИНГ

НАМУНАВИЙ УСТАВИНИ

ТАСДИҚЛАШ ТЎҒРИСИДА

Жамоа хўжаликлари қишлоқ хўжалиги ишлаб чиқаришининг асосий бўғинларидан бири бўлиб, бозор иқтисодиёти шароитида қишлоқда ишлаб чиқарувчи кучлардан унумли фойдаланишни, меҳнат унумдорлигини янада ўстиришни, ишлаб чиқариш муносабатларини такомиллаштиришга хизмат қилишини, жамоа хўжалиги аъзоларининг манфаатларини умумхалқ манфаатлари билан узвий боғлаб боришни таъминлашини кўзда тутган ҳолда:

Ўзбекистон Республикаси Деҳқонлар уюшмаси ва жамоа хўжаликлари кенгашида қабул қилинган жамоа хўжаликларининг намунавий устави хўжалик раҳбарларини сайлаш ҳамда уларни вазифасидан озод қилиш тартиблари тўғрисидаги қўшимча ва ўзгартишлар билан тўлалигича тасдиқлансин.

Ўзбекистон Республикаси Президенти                                     И. Каримов