Ўзбекистон Республикаси Президентининг 30.11.1993 й. ПФ-691-сон "Бошоқли дон экинларининг харид нархларини ошириш тўғрисида"ги Қарори

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ФАРМОНИ

30.11.1993 й.

N ПФ-691

БОШОҚЛИ ДОН ЭКИНЛАРИНИНГ

ХАРИД НАРХЛАРИНИ ОШИРИШ

ТЎҒРИСИДА

Моддий техника ва энергетика ресурсларига ошиб кетган харажатларни қоплаш ҳамда жамоа хўжаликлари, давлат хўжаликларини, ижара, фермер хўжаликлари ва бошқа хўжаликларни, шунингдек қишлоқ аҳолисини бошоқли дон экинларининг майдонларини кенгайтиришга ва ялпи ҳосилини кўпайтиришга рағбатлантириш мақсадида:

1. 1994 йил ҳосилидан бошлаб бошоқли дон экинларининг харид нархлари ўрта ҳисобда 1 тонна буғдой учун - 120 минг сўм, арпа - 96 минг сўм, сули - 96 минг сўм ва жавдар - 115 минг сўм миқдорида тасдиқлансин.

2. Ўзбекистон Республикасининг Молия вазирлиги янги харид нархларининг прейскурантларини ишлаб чиқиб, тегишли вазирликлар ва идораларга етказсин.

Ўзбекистон Республикасининг Президенти                          И. Каримов

"Ўзбекистон Республикаси Олий Кенгаши Ахборотномаси", 1993 й., 11-12-сон, 394-модда