Ўзбекистон Республикаси Вазирлар Маҳкамасининг 08.04.2003 й. 179-сон "Ўзбекистон Республикаси Ҳукуматининг айрим қарорларига ўзгартиришлар киритиш ва баъзиларини ўз кучини йўқотган деб ҳисоблаш тўғрисида"ги Қарори
ЎЗБЕКИСТОН РЕСПУБЛИКАСИ
ВАЗИРЛАР МАҲКАМАСИНИНГ
ҚАРОРИ
08.04.2003 й.
N 179
ЎЗБЕКИСТОН РЕСПУБЛИКАСИ
ҲУКУМАТИНИНГ АЙРИМ ҚАРОРЛАРИГА
ЎЗГАРТИРИШЛАР КИРИТИШ ВА БАЪЗИЛАРИНИ
ЎЗ КУЧИНИ ЙЎҚОТГАН ДЕБ ҲИСОБЛАШ ТЎҒРИСИДА
Ўзбекистон Республикаси Президентининг "Соғлиқни сақлаш тизимини янада ислоҳ қилиш чора-тадбирлари тўғрисида" 2003 йил 26 февралдаги ПФ-3214-сон Фармонига мувофиқ Вазирлар Маҳкамаси ҚАРОР ҚИЛАДИ:
1. Ўзбекистон Республикаси Вазирлар Маҳкамасининг "Академик В.Воҳидов хотирасини абадийлаштириш тўғрисида" 1995 йил 6 июлдаги 257-сон қарорининг 1-бандидан "ва келгусида ушбу тиббиёт муассасаси "Академик В.Воҳидов номидаги республика жарроҳлик илмий маркази" деб номлансин" сўзлари чиқариб ташлансин.
2. Ўзбекистон КП МК ва Ўзбекистон ССР Министрлар Советининг "Кардиология илмий-текшириш институтини Тошкент давлат медицина институтидан ажратиш ва уни Ўзбекистон ССР Соғлиқни сақлаш министрлигининг Ўзбекистон кардиология илмий-текшириш институти деб номлаш тўғрисида" 1978 йил 8 февралдаги 84-сон қарори ўз кучини йўқотган деб ҳисоблансин.
Ўзбекистон Республикасининг Бош вазири Ў. Султонов