Ўзбекистон Республикаси Президентининг 21.07.1995 й. ПФ-1206-сон "Ўзбекистон Республикасининг Ҳаво Флоти кунини белгилаш тўғрисида"ги Фармони
ЎЗБЕКИСТОН РЕСПУБЛИКАСИ
ПРЕЗИДЕНТИНИНГ
ФАРМОНИ
21.07.1995 й.
N ПФ-1206
ЎЗБЕКИСТОН РЕСПУБЛИКАСИНИНГ ҲАВО
ФЛОТИ КУНИНИ БЕЛГИЛАШ ТЎҒРИСИДА
Мамлакат қудратини ва иқтисодиётини мустаҳкамлашда, халқаро ва ички қатновни таъминлашда Ҳаво Флотининг муҳим аҳамиятини эътиборга олиб, Тошкент авиация ишлаб чиқариш бирлашмаси, "Ўзбекистон ҳаво йўллари" Миллий авиокомпанияси кўп минг кишилик жамоаларининг, Ҳарбий Ҳаво Кучлари ҳарбий хизматчиларининг ва ўқув юртлари профессор-ўкитувчилар таркибининг авиацияни, авиация саноатини ривожлантиришга ҳамда кадрлар тайёрлашга қўшган ҳиссасини назарда тутиб:
1. Август ойининг учинчи якшанбаси "Ўзбекистон Республикасининг Ҳаво Флоти Куни" этиб белгилансин.
2. Ўзбекистон Республикаси Конституциясининг 82-моддасига мувофиқ ушбу масала Ўзбекистон Республикаси Олий Мажлисига киритилсин.
Ўзбекистон Республикасининг Президенти И. Каримов