Молия вазирининг 23.06.2010 й. 50-сон "Ўсимлик (пахта) ёғи учун қатъий миқдорда белгиланган акциз солиғи ставкасини қайта кўриб чиқиш тўғрисида"ги Буйруғи (АВ томонидан 23.06.2010 й. 2115-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

23.06.2010 й.

N 2115

ЎЗБЕКИСТОН РЕСПУБЛИКАСИ

МОЛИЯ ВАЗИРИНИНГ

23.06.2010 й.

N 50

БУЙРУҒИ

Ўсимлик (пахта) ёғи учун қатъий миқдорда

белгиланган акциз солиғи ставкасини

қайта кўриб чиқиш тўғрисида

(2010 йил 3 июлдан кучга киради)

Ўзбекистон Республикаси Президентининг 2009 йил 22 декабрдаги ПҚ-1245-сонли "Ўзбекистон Республикасининг 2010 йилги асосий макроиқтисодий кўрсаткичлари ва Давлат бюджети параметрлари тўғрисида"ги қарорининг (Ўзбекистон Республикаси қонун ҳужжатлари тўплами, 2009 й., 52-сон, 560-модда) 12-1-сонли иловасига мувофиқ БУЮРАМАН:

1. Ўсимлик (пахта) озиқ-овқат ёғи учун (саломас ва "Ўзбекистон" ёғини ишлаб чиқариш учун ишлатиладиган ёғ бундан мустасно) қатъий белгиланган акциз солиғи ставкаси қайта кўриб чиқилиб, 1 тонна учун 657900 сўм миқдорида белгилансин.

2. Мазкур буйруқ Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.

Вазир                                                                                         Р. Азимов

"Ўзбекистон Республикаси қонун ҳужжатлари тўплами", 2010 йил, 24-25-сон, 209-модда.