Ўзбекистон Республикаси Вазирлар Маҳкамасининг 02.12.1999 й. 516-сон "Дўрмон-Қайнарсой" комплекслари бирлашган дирекцияси фаолиятини такомиллаштириш тўғрисида"ги Қарори

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

02.12.1999 й.

N 516

"ДЎРМОН-ҚАЙНАРСОЙ" КОМПЛЕКСЛАРИ

БИРЛАШГАН ДИРЕКЦИЯСИ ФАОЛИЯТИНИ

ТАКОМИЛЛАШТИРИШ ТЎҒРИСИДА

"Дўрмон-Қайнарсой" комплекслари фаолиятини яхшилаш мақсадида Вазирлар Маҳкамаси ҚАРОР ҚИЛАДИ:

1. Вазирлар Маҳкамасининг 1995 йил 18 декабрдаги 462-сон қарорининг 1-банди қисман ўзгартирилган ҳолда "Дўрмон-Қайнарсой" комплексларининг хўжалик ҳисобидаги бирлашган дирекцияси "Дўрмон-Қайнарсой" комплексларининг бирлашган дирекциясига айлантирилсин.

2. Белгилансинки, 2000 йил 1 январдан эътиборан "Дўрмон-Қайнарсой" комплексларининг бирлашган дирекциясини молиялаштириш давлат бюджети маблағлари ҳамда хўжалик фаолиятидан тушган маблағлар ҳисобига амалга оширилади.

Ўзбекистон Республикаси Молия вазирлиги ушбу мақсадлар учун 2000 йил 1 январдан бошлаб тегишли маблағлар ажратилишини таъминласин.

3. Ўзбекистон Республикаси Президенти девони Ишлар бошқармаси:

Молия вазирлиги билан биргаликда Вазирлар Маҳкамасининг 1999 йил 3 сентябрдаги 414-сон қарори билан тасдиқланган Бюджет ташкилотларини маблағ билан таъминлаш тартибини "Дўрмон-Қайнарсой" комплексларининг бирлашган дирекциясига қўллаш хусусиятларини белгиласин; 

"Дўрмон-Қайнарсой" комплексларининг бирлашган дирекцияси тўғрисидаги Низомни ушбу қарорга мувофиқлаштирсин.

Ўзбекистон Республикасининг Бош вазири                            Ў. Султонов