Давлат эҳтиёжлари учун харид қилинадиган, қишлоқ хўжалик маҳсулотларининг ҳисоб-китоб Жамғармаси тўғрисида Низом (АВ томонидан 28.01.1999 й. 612-сон билан рўйхатга олинган 28.01.1999 й. Молия вазирлигининг 10-сон, Марказий банкнинг 01/197-сон билан тасдиқланган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

28.01.1999 й.

N 612

ТАСДИҚЛАНГАН

Мазкур Низом рус тилида тасдиқланган.

Ҳужжатнинг матни Норма газетаси  ва  ахборот-қидирув

тизими   экспертлари  томонидан  ўзбек  тилига  таржима

қилинган  ва ахборот  тусига  эга.   Ноаниқликлар   келиб

чиққанида  меъёрий-ҳуқуқий  ҳужжатнинг  рус   тилидаги

матнига қаранг.

Давлат эҳтиёжлари учун харид қилинадиган,

қишлоқ хўжалик маҳсулотларининг

ҳисоб-китоб Жамғармаси тўғрисида

НИЗОМ

I. УМУМИЙ ҚОИДАЛАР

1. Давлат эҳтиёжлари учун харид қилинадиган қишлоқ хўжалик маҳсулотларнинг ҳисоб-китоб Жамғармаси, (кейинги ўринларда "Жамғарма") Ўзбекистон Республикаси Президентининг 1998 йил 31 декабрдаги ПФ-2165-сонли Фармонига мувофиқ Ўзбекистон Республикаси Молия вазирлиги ҳузурида ташкил қилинади.

2. Жамғарма маблағлари давлат эҳтиёжлари учун харид қилинадиган қишлоқ хўжалик маҳсулотлари учун ҳисоб-китобларни ўз вақтда молиялаштиришни таъминлашга мўлжалланган.

3. Жамғарманинг маблағлари Марказий банк томонидан Молия вазирлигига очилган махсус (бюджетдан ташқари) маблағлар счётларида тўпланди ва ишлатилади.

4. Жамғарма маблағлари Молия вазири, у йўқ бўлган вақтда эса - вазирнинг вазифасини бажарувчи шахс тасарруфида бўлади.

5. "Жамғарма"нинг ишчи аппарати қуйидагилардан иборат:

- Ўзбекистон Республикаси Молия вазирлиги марказий аппаратининг таркибий бўлинмасига кирувчи, сони 8 штат бирлигидан иборат Жамғарманинг марказий аппарати;

- сони 25 штат бирлигидан иборат минтақавий инспекторлар.

II. ЖАМҒАРМАНИНГ ТАРКИБ ТОПИШ МАНБАИ

Қуйидагилар Жамғарманинг асосий манбаи бўлади:

1. Пахта толасини экспорт қилиш форвард шартномаларидан келиб тушадиган бўнак тўловлари.

2. Пахта толаси экспорти бўйича якуний ҳ