Олий ва ўрта махсус таълим вазирлигининг 16 қ/қ-сон, Бандлик ва меҳнат муносабатлари вазирлигининг 14-2019-қ/қ-сон "Академик лицейлар битирувчиларига мутахассисликлар бериш тартиби тўғрисидаги низомга ўзгартириш ва қўшимча киритиш тўғрисида"ги 05.04.2019 й. Қарори (АВ томонидан 22.04.2019 й. 2882-1-сон билан рўйхатга олинган)
ЎЗБЕКИСТОН РЕСПУБЛИКАСИ
АДЛИЯ ВАЗИРЛИГИ ТОМОНИДАН
РЎЙХАТГА ОЛИНГАН
22.04.2019 й.
N 2882-1
ЎЗБЕКИСТОН РЕСПУБЛИКАСИ ОЛИЙ ВА ЎРТА МАХСУС ТАЪЛИМ ВАЗИРЛИГИНИНГ 05.04.2019 й. N 16 қ/қ |
ЎЗБЕКИСТОН РЕСПУБЛИКАСИ БАНДЛИК ВА МЕҲНАТ МУНОСАБАТЛАРИ ВАЗИРЛИГИНИНГ 05.04.2019 й. N 14-2019-қ/қ |
ҚАРОРИ
Академик лицейлар битирувчиларига
мутахассисликлар бериш тартиби тўғрисидаги
низомга ўзгартириш ва қўшимча киритиш тўғрисида
Ўзбекистон Республикаси Президентининг 2017 йил 14 мартдаги ПҚ-2829-сон "Ўрта махсус, касб-ҳунар таълими муассасалари фаолиятини янада такомиллаштириш чора-тадбирлари тўғрисида"ги, 2017 йил 26 сентябрдаги ПҚ-3290-сон "Олий таълим муассасаларига кириш учун номзодларни мақсадли тайёрлаш тизимини янада такомиллаштириш тўғрисида"ги қарорларига асосан Ўзбекистон Республикаси Олий ва ўрта махсус таълим вазирлиги, Бандлик ва меҳнат муносабатлари вазирлиги ҚАРОР ҚИЛАДИ:
1. Ўзбекистон Республикаси Олий ва ўрта махсус таълим вазирлигининг Ўрта махсус, касб-ҳунар таълими маркази ва Меҳнат вазирлигининг 2017 йил 7 апрелдаги 22/ҚҚ ва 8-Қ/Қ-сон қарори (рўйхат рақами 2882, 2017 йил 10 май) (Ўзбекистон Республикаси қонун ҳужжатлари тўплами, 2017 й., 19-сон, 350-модда) билан тасдиқланган Академик лицейлар битирувчиларига мутахассисликлар бериш тартиби тўғрисидаги низомга иловага мувофиқ ўзгартириш ва қўшимча киритилсин.
2. Ушбу қарор расмий эълон қилинган кундан эътиборан кучга киради.
Олий ва ўрта махсус таълим вазири
|
И. Маджидов |
Бандлик ва меҳнат муносабатлари вазири |
Ш. Кудбиев |
ИЛОВА
Академик лицейлар битирувчиларига
мутахассисликлар бериш тартиби тўғрисидаги
низомга киритилаётган ўзгартириш ва қўшимча
1. 23-банд қуйидаги таҳрирда баён этилсин:
"23. Амалий имтиҳондан муваффақиятли ўтган (ўртача арифметик балл "3" ва ундан юқори бўлган) ўқувчиларга ўқитилган мутахассислик бўйича мазкур Низомнинг иловасига мувофиқ давлат намунасидаги сертификат берилади.".
2. Мазкур ўзгартириш ва қўшимчанинг иловасига мувофиқ таҳрирда илова билан тўлдирилсин.
ИЛОВА
"Академик лицейлар битирувчиларига
мутахассисликлар бериш тартиби
тўғрисидаги низомга
ИЛОВА
Академик лицей сертификатининг
давлат намунаси
Академик лицей сертификатининг тавсифи
Сертификат 105х297 мм ўлчовда, қоғоз 100% пахта, қалинлиги ва оғирлиги 100+10 гр/м-2, оқартиргичсиз, акс этмайдиган қоғозда тайёрланган кўринишга эга.
Сертификат бланкасининг юз томони юқори қисми марказида диаметри 30 мм бўлган Ўзбекистон Республикаси Давлат герби (рангли) тасвири туширилади. Давлат гербидан (рангли) 10 мм пастда "O'ZBEKISTON RESPUBLIKASI OLIY VA O'RTA MAXSUS TA'LIM VAZIRLIGI" сўзлари, унинг остидан "SERTIFIKAT" сўзи қизил рангда ўзбек тили лотин алифбосида ёзилади.
Матн - Сертификат бланкаси ички қисми чап томонида ўзбек тили лотин алифбоси, ўнг томонида инглиз тилида тегишли ёзувлар туширилади.
Сертификат варағи ички қисмининг икки тарафи марказида "Ҳумо" қуши (25х10 мм ўлчамли) қиёфасида кўринмайдиган тасвир жойлаштирилади ва ультрабинафша нурлари остида кўринади.
Сертификат бланкаси 7 даражали ҳимояга эга:
1) тартиб рақами қора флуоресценция бўёғида чоп этилиб, ультрабинафша нурлари остида яшил рангда кўринади;
2) машинада нусха кўчиришни қийинлаштирадиган заиф бўёқлардан фойдаланиш;
3) ҳар хил шаклдаги растрли сеткалардан фойдаланиш;
4) варақнинг асосий фони оч жигарранг, икки тангер сеткадан пайдо бўлган ингичка синусоидал чизиқдан ташкил топган ҳамда нусха кўчирмайдиган ҳимояга эга бўлиш;
5) махсус қоғоз ишлатиш;
6) Давлат гербини рангли тасвирлаш;
7) ёруғликда яхши кўринадиган "пахта кўсаги" кўринишидаги асосий уч ўлчовли сув белгисини тушириш, олти шаклли ўзгарадиган рақамдан фойдаланиш.
Сертификатнинг ташқи ўнг томони:
(Ўзбекистон Республикаси Давлат гербининг тасвири)
O'ZBEKISTON RESPUBLIKASI
OLIY VA O'RTA MAXSUS TA'LIM VAZIRLIGI
SERTIFIKAT
Сертификатнинг ички чап томони:
O'ZBEKISTON RESPUBLIKASI
AKADEMIK LITSEY SERTIFIKATI
LS N ___________________________
(diрlоmsiz kuchga ega emas)
(familiyasi, ismi, otasining ismi) |
20____ yilda |
|
(akademik litsey nomi) |
|
ga kirib, |
20____ yilda |
|
(akademik litsey nomi) |
|
akademik |
litseyni |
|
yo'nalishi |
(yo'nalish nomi) |
bo'yicha tamomladi hamda |
|
mutaxassisligi berildi. |
(mutaxassislik nomi) |
M.O' |
Davlat attestatsiya komissiyasi raisi |
Direktor Kotib(а)
|
_________________ shahri (tumani), 20___ yil |
Ro'yxat raqami ________ |
Сертификатнинг ички ўнг томони:
TНE REPUBLIC OF UZBEKISTAN
CERTIFICATE OF ACADEMIC LYCEUM
LS N ______________________________
(not valid without diploma)
(full name) |
|
enrolled in 20 |
|
and completed in 20 |
|
(name of academic lyceum) |
having speсialized in |
|
(field of study) |
|
having speсialist in |
|
|
(speciality) |
|
(Seal) |
Chairman of the State Attestation commission |
Director Secretary
|
Given______________________ Registration N __________". |
Қонун ҳужжатлари маълумотлари миллий базаси (www.lex.uz),
2019 йил 22 апрель
"Ўзбекистон Республикаси қонун ҳужжатлари тўплами",
2019 йил 29 апрель, 17-сон, 341-модда