Ўзбекистон Республикаси Вазирлар Маҳкамасининг 11.08.2020 й. 476-сон "Вазирлар Маҳкамасининг "Олий таълимнинг давлат таълим стандартларини тасдиқлаш тўғрисида" 2001 йил 16 августдаги 343-сон қарорига ўзгартириш ва қўшимча киритиш ҳақида"ги Қарори
ЎЗБЕКИСТОН РЕСПУБЛИКАСИ
ВАЗИРЛАР МАҲКАМАСИНИНГ
ҚАРОРИ
11.08.2020 й.
N 476
ВАЗИРЛАР МАҲКАМАСИНИНГ
"ОЛИЙ ТАЪЛИМНИНГ ДАВЛАТ ТАЪЛИМ
СТАНДАРТЛАРИНИ ТАСДИҚЛАШ ТЎҒРИСИДА"
2001 ЙИЛ 16 АВГУСТДАГИ 343-СОН ҚАРОРИГА
ЎЗГАРТИРИШ ВА ҚЎШИМЧА КИРИТИШ ҲАҚИДА
Ўзбекистон Республикаси Президентининг 2020 йил 2 мартдаги ПФ-5953-сон Фармони билан тасдиқланган 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини "Илм, маърифат ва рақамли иқтисодиётни ривожлантириш йили"да амалга оширишга оид Давлат дастурида белгиланган вазифалар ижросини таъминлаш, бугунги кунда олий таълим соҳасида амалга оширилаётган кенг кўламли ислоҳотларни изчил давом эттириш, тегишли бакалавриат таълим йўналишлари ҳамда магистратура мутахассисликлари бўйича ўқув режалари ва фан дастурларини кадрлар буюртмачиларининг эҳтиёжларидан келиб чиқиб мустақил равишда ишлаб чиқишни ташкил этиш мақсадида Вазирлар Маҳкамаси ҚАРОР ҚИЛАДИ:
1. Вазирлар Маҳкамасининг "Олий таълимнинг Давлат таълим стандартларини тасдиқлаш тўғрисида" 2001 йил 16 августдаги 343-сон қарорига иловага мувофиқ ўзгартириш ва қўшимча киритилсин.
2. Ўзбекистон Республикаси Олий ва ўрта махсус таълим вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларини бир ой муддатда ушбу қарорга мувофиқлаштирсин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари Б.А. Мусаев ҳамда Ўзбекистон Республикаси олий ва ўрта махсус таълим вазири И.У. Маджидов зиммасига юклансин.
Ўзбекистон Республикасининг Бош вазири А. Арипов
2020 йил 11 августдаги
476-сон қарорига
ИЛОВА
Вазирлар Маҳкамасининг "Олий таълимнинг
Давлат таълим стандартларини тасдиқлаш тўғрисида"
2001 йил 16 августдаги 343-сон қарорига киритилаётган
ўзгартириш ва қўшимча
а) биринчи ва иккинчи хатбошилар қуйидаги таҳрирда баён этилсин:
"2. Ўзбекистон Республикаси Олий ва ўрта махсус таълим вазирлигига:
таълим соҳаларининг давлат таълим стандартларини, бакалавриат таълим йўналишлари ва магистратура мутахассисликлари учун малака талабларини ишлаб чиқиш ва тасдиқлаш, таянч (етакчи) олий таълим муассасалари томонидан ишлаб чиқилган ва тасдиқланадиган ўқув режалари ва фанлар дастурларини келишиш, улар асосида дарсликлар ва ўқув қўлланмаларининг янги авлодини яратишни ташкил қилиш";
б) қуйидаги таҳрирдаги бешинчи хатбоши билан тўлдирилсин:
"Олий таълимнинг Давлат таълим стандарти. Асосий қоидалари"га зарурият бўлганда Республика олий таълим кенгаши билан келишган ҳолда ўзгартириш ва қўшимчалар киритиш ҳамда тасдиқлаш";
бешинчи хатбоши олтинчи хатбоши деб ҳисоблансин.
Қонун ҳужжатлари маълумотлари миллий базаси (www.lex.uz),
2020 йил 12 август