Олий ва ўрта махсус таълим вазирлигининг 16.02.2021 й. 2-2021-сон, Бандлик ва меҳнат муносабатлари вазирлигининг 15.02.2021 й. ҚҚ-08-2021-сон, Молия вазирлигининг 09.02.2021 й. 6-сон "Академик лицей, касб-ҳунар мактаби, коллеж ва техникумлар бошқарув, техник, хизмат кўрсатувчи ва ўқув-ёрдамчи ходимларининг намунавий штатларига ўзгартириш ва қўшимча киритиш ҳақида"ги Қарори (АВ томонидан 03.03.2021 й. 3119-2-сон билан рўйхатга олинган)
ЎЗБЕКИСТОН РЕСПУБЛИКАСИ
АДЛИЯ ВАЗИРЛИГИ ТОМОНИДАН
РЎЙХАТГА ОЛИНГАН
03.03.2021 й.
N 3119-2
ЎЗБЕКИСТОН РЕСПУБЛИКАСИ ОЛИЙ ВА ЎРТА МАХСУС ТАЪЛИМ ВАЗИРЛИГИНИНГ 16.02.2021 й. N 2-2021 |
ЎЗБЕКИСТОН РЕСПУБЛИКАСИ БАНДЛИК ВА МЕҲНАТ МУНОСАБАТЛАРИ ВАЗИРЛИГИНИНГ 15.02.2021 й. N ҚҚ-08-2021 |
ЎЗБЕКИСТОН РЕСПУБЛИКАСИ МОЛИЯ ВАЗИРЛИГИНИНГ 09.02.2021 й. N 6 |
ҚАРОРИ
Академик лицей, касб-ҳунар мактаби, коллеж
ва техникумлар бошқарув, техник, хизмат кўрсатувчи
ва ўқув-ёрдамчи ходимларининг намунавий штатларига
ўзгартириш ва қўшимча киритиш ҳақида
Ўзбекистон Республикаси Президентининг 2020 йил 3 декабрдаги ПҚ-4910-сон "Иқтидорли ёшларни саралаб олиш тизими ва академик лицейлар фаолиятини такомиллаштириш чора-тадбирлари тўғрисида"ги қарорига мувофиқ Ўзбекистон Республикаси Олий ва ўрта махсус таълим вазирлиги, Бандлик ва меҳнат муносабатлари вазирлиги ва Молия вазирлиги ҚАРОР ҚИЛАДИ:
1. Ўзбекистон Республикаси Олий ва ўрта махсус таълим вазирлиги, Олий ва ўрта махсус таълим вазирлигининг Касб-ҳунар таълими маркази, Бандлик ва меҳнат муносабатлари вазирлиги, Молия вазирлигининг 2018 йил 29 декабрдаги 78-қ/қ, 13/ққ, 32-қ/қ, 162-сон қарори (рўйхат рақами 3119, 2019 йил 11 январь) (Қонун ҳужжатлари маълумотлари миллий базаси, 14.01.2019 й., 10/19/3119/2469-сон) билан тасдиқланган Академик лицей, касб-ҳунар мактаби, коллеж ва техникумлар бошқарув, техник, хизмат кўрсатувчи ва ўқув-ёрдамчи ходимларининг намунавий штатларига иловага мувофиқ ўзгартириш ва қўшимча киритилсин.
2. Мазкур қарор расмий эълон қилинган кундан эътиборан кучга киради.
Вазир
|
А. Тошкулов |
Бандлик ва меҳнат муносабатлари вазири |
Н. Хусанов |
Молия вазири |
Т. Ишметов |
ИЛОВА
Академик лицей, касб-ҳунар мактаби, коллеж
ва техникумлар бошқарув, техник, хизмат кўрсатувчи
ва ўқув-ёрдамчи ходимларининг намунавий штатларига
киритилаётган ўзгартириш ва қўшимча
1. 1-бобнинг 1-позицияси қуйидаги таҳрирда баён этилсин:
"1. |
Директор |
Олий таълим муассасаларининг ўқув ишлари учун масъул проректори (филиал директори ўринбосари) бир вақтнинг ўзида академик лицей директори ҳисобланади.". |
2. 2-боб қуйидаги мазмундаги 1-1-позиция билан тўлдирилсин:
"1-1. |
Ижрочи директор |
1 |
1 |
1 |
1 |
1 |
1 |
1 |
1". |
Қонун ҳужжатлари маълумотлари миллий базаси (www.lex.uz),
2021 йил 3 март