Умумий ўрта таълим муассасалари рейтингини аниқлаш тартиби тўғрисида Низом (ЎзР ВМ 03.06.2021 й. 345-сон қарорига 1-илова)
Вазирлар Маҳкамасининг
2021 йил 3 июндаги
1-ИЛОВА
Умумий ўрта таълим муассасалари рейтингини
аниқлаш тартиби тўғрисида
НИЗОМ
1. Ушбу Низом давлат умумий ўрта таълим муассасалари, шунингдек, умумий ўрта таълим бериладиган ихтисослаштирилган мактаблар ва мактаб-интернатларининг (кейинги ўринларда - умумий ўрта таълим муассасалари) фаолияти самарадорлиги бўйича рейтингини (кейинги ўринларда - рейтинг) аниқлаш тартибини белгилайди.
Мазкур Низом Президент мактаблари ҳамда имкониятлари чекланган болалар учун ихтисослаштирилган давлат таълим муассасаларига нисбатан татбиқ этилмайди.
2. Рейтинг Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси (кейинги ўринларда - Таълим инспекцияси) ва Ўзбекистон Республикаси Халқ таълими вазирлиги томонидан ҳар йили туманлар (шаҳарлар) ҳамда Қорақалпоғистон Республикаси, вилоятлар ва Тошкент шаҳри кесимида тузилади.
3. Рейтингни тузиш мақсадида ўқув йили давомида умумий ўрта таълим муассасаларининг фаолияти самарадорлигини баҳолаш мезонларини қўллашда асос ҳисобланадиган зарур маълумотлар базаси шакллантирилади ҳамда умумий ўрта таълим муассасаларида назорат ишлари ва ижтимоий сўровномалар ўтказилади.
4. Рейтингни аниқлаш ушбу Низомга 1-иловада келтирилган схемага мувофиқ ташкил этилади.
МАҚСАД ВА ВАЗИФАЛАРИ
5. Қуйидагилар рейтингни аниқлашнинг мақсади ҳисобланади:
умумий ўрта таълим муассасалари ўртасида соғлом рақобат муҳитини шакллантириш;
умумий ўрта таълим муассасаларининг раҳбарлари ва педагогларининг жамиятдаги ўрни ва мақомини ошириш, меҳнатини муносиб қадрлаш, фаолият самарадорлигига қараб моддий рағбатлантириш;
маҳаллий бошқарув органларининг ўз ҳудудларида таълим сифатини оширишга қаратилган фаолиятини кучайтириш.
6. Қуйидагилар рейтингни аниқлашнинг вазифалари ҳисобланади:
ҳар йили умумий ўрта таълим муассасалари фаолияти самарадорлиги бўйича мониторинг юритиш, кўрсаткичлари паст бўлганларининг фаолиятига оид таҳлилий маълумотларни таълим соҳасидаги ваколатли органлар ва ташкилотларга тақдим этиш;
рейтинг натижаларидан келиб чиқиб, директорлар ва уларнинг ўринбосарлари, ўқитувчилар, тегишли ҳудудлар ҳокимлари ва уларнинг таълим бўйича маслаҳатчилари фаолиятига баҳо бериш;
раҳбар ходимлар, педагог ва ўқитувчиларнинг фаолияти самарадорлигини ҳисобга олиб, моддий рағбатлантириш бўйича зарур чора-тадбирларни амалга ошириш.
3-БОБ. РЕЙТИНГНИ АНИҚЛАШГА ОИД
МАЪЛУМОТЛАР БАЗАСИНИ ШАКЛЛАНТИРИШ
7. Таълим инспекцияси томонидан манфаатдор вазирликлар ва идоралар билан келишилган ҳолда ҳар йили 20 январга қадар Қорақалпоғистон Республикаси, Тошкент шаҳри ва вилоятларда Таълим инспекцияси ҳамда тизимида умумий ўрта таълим муассасаси бўлган вазирликлар ва идораларнинг ҳудудий бўлинмалари (кейинги ўринларда - ҳудудий бўлинмалар) ходимларидан иборат тегишли ҳудуддаги умумий ўрта таълим муассасаларида ижтимоий сўровномалар ва назорат ишлари (ёзма иш ва тест синови)ни ўтказиш бўйича ишчи гуруҳлар (кейинги ўринларда - ишчи гуруҳлар) тузилади.
8. Таълим инспекцияси томонидан ишлаб чиқилган рейтингни аниқлашга оид маълумотлар базасини шакллантириш бўйича жадваллар ҳар йили 1 февралга қадар Таълим инспекциясининг расмий веб-сайтидаги платформага (monitoring.tdi.uz) (кейинги ўринларда - махсус платформа) жойлаштирилади.
9. Жадваллар уларга тегишли маълумотлар киритилиб, умумий ўрта таълим муассасаларининг директорлари томонидан тасдиқланган ҳолда 25 апрелга қадар ҳудудий бўлинмаларга тақдим этилади.
10. Ҳудудий бўлинмалар томонидан жадваллар асослантирувчи ҳужжатлари билан биргаликда ҳар йили 1 майга қадар махсус платформага жойлаштирилади.
Махсус платформага рейтинг аниқланаётган йилнинг 1 майидан сўнг қўшимча маълумот жойлаштиришга йўл қўйилмайди.
Маълумотларнинг махсус платформага белгиланган муддатдан кечикмай ва тўғри киритилиши учун ҳудудий бўлинмалар раҳбарлари шахсан жавобгар ҳисобланади.
11. Маълумотлар базасини шакллантириш жараёнида ҳудудий бўлинмалар томонидан тақдим этилган материаллар ва уларнинг асослантирувчи ҳужжатлари ишчи гуруҳлар томонидан қўшимча ўрганилиши мумкин.
Асослантирувчи ҳужжатлари мавжуд бўлмаган маълумотлар рейтингни ҳисоблашда инобатга олинмайди.
4-БОБ. РЕЙТИНГНИ АНИҚЛАШГА ОИД ИЖТИМОИЙ
СЎРОВНОМАЛАР ВА НАЗОРАТ ИШЛАРИНИ ЎТКАЗИШ
12. Рейтингни аниқлашга оид маълумотлар базасини шакллантириш учун ишчи гуруҳлар томонидан ҳар ўқув йили давомида Таълим инспекцияси ва Халқ таълими вазирлиги биргаликда қуръа ташлаш орқали танлаб оладиган умумий ўрта таълим муассасаларида ижтимоий сўровномалар ва назорат ишлари ўтказилади.
13. Ижтимоий сўровнома умумий ўрта таълим муассасаси юқори синф ўқувчилари ва педагоглар жамоаси ўртасида ўтказилиб, унда педагог ва раҳбар ходимлар фаолияти, умумий ўрта таълим муассасасидаги ижтимоий-маънавий муҳит ҳамда педагог ходимларнинг дарс бериш маҳорати ҳақида ўқувчиларнинг фикри, шунингдек, умумий ўрта таълим муассасасида педагог ходимлар учун яратилган шароитлар ва ўқитиш муҳити ҳақида педагог ходимлар фикри ўрганилади.
Педагогик жамоа билан ўтказиладиган ижтимоий сўровномада умумий ўрта таълим муассасасидаги ўқитувчиларнинг камида учдан икки қисми қатнашади.
Ижтимоий сўровнома саволлари халқ таълими тизимидан мутахассисларни жалб қилган ҳолда Таълим инспекцияси томонидан тузилади.
14. Назорат ишлари умумий ўрта таълим муассасаси ўқувчиларининг умумтаълим фанлари бўйича билим даражасини аниқлаш мақсадида ёзма иш ва тест синови шаклида ўтказилади.
Назорат ишларини ўтказиш учун умумий ўрта таълим муассасасининг камида битта синфи ишчи гуруҳ томонидан қуръа ташлаш орқали танлаб олинади.
15. Ижтимоий сўровнома ва назорат ишларини ўтказиш тартиби, ижтимоий сўровнома саволларининг сони, шунингдек, назорат ишлари ўтказиладиган фанлар ва топшириқлар сони Таълим инспекцияси бошлиғининг буйруғи билан тасдиқланади.
16. Таълим инспекциясида ижтимоий сўровномалар ва назорат ишлари материаллари қутиларга солиниб муҳрланади ва махсус қопларга жойлаштирилиб, ҳудудларга юбориш учун Давлат фельдъегерлик хизматига топширилади.
17. Давлат фельдъегерлик хизмати назорат ишлари материаллари солинган махсус қопларни Таълим инспекциясининг ҳудудий бўлимларига етказиб беради.
18. Жойларда ижтимоий сўровномалар ва назорат ишлари ўтказилгандан сўнг назорат ишлари материаллари ишчи гуруҳлар томонидан қутиларга солиниб муҳрланади. Тошкент шаҳри ва Тошкент вилоятидаги умумий ўрта таълим муасасаларида ўтказилган ижтимоий сўровномалар ва назорат ишлари материаллари солинган қутилар Таълим инспекциясига ишчи гуруҳлар томонидан етказиб берилади. Қорақалпоғистон Республикаси ва бошқа вилоятлардаги умумий ўрта таълим муасасаларида ўтказилган ижтимоий сўровномалар ва назорат ишлари материаллари солинган қутилар махсус қопларда Давлат фельдъегерлик хизмати орқали Таълим инспекциясига етказилади.
19. Ижтимоий сўровномалар ва назорат ишлари Таълим инспекциясига жалб этиладиган эксперт ва мутахассислар томонидан баҳоланади. Баҳолаш жараёнига жалб этилган эксперт ва мутахассисларга Таълим инспекцияси билан тузиладиган фуқаролик-ҳуқуқий шартномалар асосида ҳақ тўланади. Эксперт ва мутахассисларга тўланадиган ҳақ миқдори уларнинг бажарган ишларига мутаносиб равишда томонлар келишувига мувофиқ белгиланади.
ҲИСОБЛАШ ВА ЭЪЛОН ҚИЛИШ
20. Умумий ўрта таълим муассасаларида ўтказилган ижтимоий сўровномалар ва назорат ишлари натижалари Таълим инспекцияси томонидан рейтингни аниқлашда асос бўлади.
Рейтингни аниқлаш ушбу Низомга 2-иловада келтирилган Умумий ўрта таълим муассасалари рейтингини аниқлаш мезонлари ва ҳисоблаш методикаси асосида амалга оширилади.
21. Рейтингни аниқлашга оид маълумотлар базасини шакллантириш учун битирувчиларнинг умумтаълим фанлари бўйича тайёргарлиги ва таълим сифати даражаси тўғрисидаги маълумотлар, хусусан:
давлат олий таълим муассасаларига қабул имтиҳонларида қатнашган битирувчилар сони ва уларнинг тўплаган баллари бўйича маълумотлар - Ўзбекистон Республикаси Вазирлар Маҳкамаси ҳузуридаги Давлат тест маркази томонидан;
Ўзбекистон Республикасида фаолият олиб бораётган нодавлат ҳамда хорижий олий таълим ташкилотлари ва уларнинг филиалларига қабул имтиҳонларида қатнашган битирувчилар сони ва уларнинг тўплаган баллари, халқаро эътироф этилган нуфузли рейтинг агентликларининг (Quacquarelli Symonds World University Rankings, Times Нigher Education ёки Academic Ranking of World Universities) топ 1000 талик рўйхатига кирган хорижий олий таълим ташкилотларига ўқишга кирган битирувчилар сони ва уларнинг тўплаган баллари бўйича маълумотлар - мазкур олий таълим ташкилотлари томонидан Таълим инспекцияси сўровига кўра тақдим этилади.
22. Рейтинг қуйидаги ҳисоблаш тамойиллари асосида аниқланади:
рейтингда иштирок этаётган барча умумий ўрта таълим муассасаларининг баллари ҳар бир мезон бўйича алоҳида ҳисобланади;
тегишли мезон бўйича энг юқори натижага эга бўлган умумий ўрта таълим муассасасига мазкур мезон учун белгиланган энг кўп балл берилади;
қолган барча умумий ўрта таълим муассасаларининг баллари энг юқори баллга эга бўлган умумий ўрта таълим муассасасининг баллари йиғиндисига нисбатан ҳисоблаб чиқарилади;
ҳар бир мезон бўйича ҳисобланган баллар йиғиндиси асосида умумий ўрта таълим муассасасининг рейтинги белгиланади. Бунда, баллари йиғиндиси тенг бўлган умумий ўрта таълим муассасаларининг рейтинги тасдиқланган мезонлар кесимида энг юқори балл кўрсаткичлари назарда тутилган мезон бўйича тўпланган баллдан келиб чиққан ҳолда устуворлик бериб аниқланади. Устуворлик берилган мезон бўйича тенг баллик умумий ўрта таълим муассасалари мавжуд бўлганда, уларнинг ҳар бирига тегишли ўрин берилади.
23. Рейтинг натижалари ҳар йили янги ўқув йили бошланишидан кечикмай Таълим инспекциясининг расмий веб-сайтида эълон қилинади ва оммавий ахборот воситаларида ёритилади.
6-БОБ. РЕЙТИНГ НАТИЖАЛАРИ АСОСИДА
МАСЪУЛ ХОДИМЛАР ФАОЛИЯТИНИ БАҲОЛАШ
24. Умумий ўрта таълим муассасалари директорлари, уларнинг ўринбосарлари ва педагог ходимлари фаолиятини баҳолаш умумий ўрта таълим муассасалари рейтингини аниқлаш мезонлари асосида ишлаб чиқилган рейтинг натижаларига мувофиқ амалга оширилади.
25. Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар, туман (шаҳар) ҳокимлари ҳамда уларнинг таълим ва тарбия масалалари бўйича маслаҳатчилари (кейинги ўринларда - ҳокимлар ва уларнинг маслаҳатчилари) фаолиятини баҳолаш учун рейтингни аниқлаш мазкур Низомга 3-иловада келтирилган баҳолаш мезонларига мувофиқ амалга оширилади.
26. Ҳокимлар ва уларнинг маслаҳатчилари фаолиятини баҳолаш бўйича рейтингни аниқлашга оид маълумотлар базасини шакллантириш учун Таълим инспекциясига:
умумий ўрта таълим муассасалари ўқувчилари ўртасида содир этилган жиноятлар тўғрисидаги маълумотлар - Ўзбекистон Республикаси Бош прокуратураси томонидан;
маҳаллий ижро ҳокимияти органлари томонидан умумий ўрта таълим муассасалари моддий-техник базасини мустаҳкамлаш учун тегишли маҳаллий бюджетларнинг қўшимча манбалари ҳисобидан ажратилган маблағлар ҳажми тўғрисидаги маълумотлар - Ўзбекистон Республикаси Молия вазирлиги томонидан тақдим этилади.
27. Умумий ўрта таълим муассасалари рейтинги асосида туманлар (шаҳарлар) рейтинги, туманлар (шаҳарлар) рейтинги асосида эса Қорақалпоғистон Республикаси, вилоятлар ва Тошкент шаҳар рейтинглари аниқланади.
Рейтингда юқори натижага эришган ҳокимлар ва уларнинг маслаҳатчилари, шунингдек, умумий ўрта таълим муассасалари директорлари, уларнинг ўринбосарлари ва педагог ходимлари қонунчилик ҳужжатларида белгиланган тартибда рағбатлантирилади.
28. Рейтингни аниқлашга оид маълумотлар Таълим инспекциясида беш йил мобайнида сақланади.
29. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавобгар бўладилар.
1-ИЛОВА
Умумий ўрта таълим муассасалари
рейтингини аниқлашни ташкил этиш
СХЕМАСИ
Босқичлар |
|
Ижрочилар |
Тадбирлар |
Муддатлар |
||
|
||||||
|
|
|
|
|
|
|
1-босқич |
|
Таълим сифатини назорат қилиш давлат инспекцияси |
1. Қорақалпоғистон Республикаси, Тошкент шаҳри ва вилоятларда тегишли ҳудуддаги умумий ўрта таълим муассасаларида ижтимоий сўровномалар ва назорат ишларини ўтказиш бўйича манфаатдор вазирлик ва идоралар билан келишилган ҳолда ишчи гуруҳлар тузиш. |
Ҳар йили 20 январ қадар |
||
|
Таълим сифатини назорат қилиш давлат инспекцияси |
2. Рейтингни аниқлашга оид маълумотлар базасини шакллантириш бўйича жадвалларни Таълим инспекциясининг расмий веб-сайтидаги махсус платформага (monitoring.tdi.uz) жойлаштириш.
|
Ҳар йили 1 февралга қадар |
|||
|
||||||
2-босқич |
|
Умумий ўрта таълим муассасалари |
1. Рейтингни аниқлашга оид маълумотлар базасини шакллантириш бўйича жадвалларга маълумотлар киритиш ҳамда уларни ҳудудий бўлинмаларга тақдим этиш. |
Ҳар йили 25 апрелга қадар |
||
|
Қорақалпоғистон Республикаси, Тошкент шаҳри ва вилоятларда Таълим сифатини назорат қилиш давлат инспекцияси ҳамда тизимида умумий ўрта таълим муассасаси бўлган вазирлик ва идораларнинг ҳудудий бўлинмалари |
2. Рейтингни аниқлашга оид маълумотлар базасини шакллантириш бўйича жадвалларни асослантирувчи ҳужжатлари билан биргаликда махсус платформага жойлаштириш. |
Ҳар йили 1 майга қадар |
|||
|
||||||
3-босқич |
|
Ишчи гуруҳлар |
Умумий ўрта таълим муассасаларида ижтимоий сўровномалар ва назорат ишларини ўтказиш.
|
Ҳар ўқув йили давомида |
||
|
||||||
4-босқич |
|
Таълим сифатини назорат қилиш давлат инспекцияси |
1. Умумий ўрта таълим муассасаларида ўтказилган ижтимоий сўровномалар ва назорат ишлари натижалари ҳамда ҳисоблаш методикаси асосида умумий ўрта таълим муассасалари рейтингини аниқлаш. |
Ҳар йили 1 сентябрга қадар |
||
|
Таълим сифатини назорат қилиш давлат инспекцияси |
2. Рейтинг натижаларини оммавий ахборот воситаларида ва Таълим инспекциясининг расмий веб-сайтида эълон қилиш.
|
||||
|
|
|
|
|
|
|
2-ИЛОВА
Умумий ўрта таълим муассасалари рейтингини
аниқлаш мезонлари ва ҳисоблаш
МЕТОДИКАСИ
Т/р |
Мезон номи |
Балл |
Мезонлар учун балларни ҳисоблаш методикаси |
1 |
Умумий ўрта таълим муассасаси битирувчиларининг умумтаълим фанлари бўйича тайёргарлиги ва таълим сифати даражаси |
20 |
Битирувчиларнинг умумтаълим фанлари бўйича тайёргарлиги ва таълим сифати даражаси кўрсаткичи қуйидаги формула орқали аниқланади:
- битирувчиларнинг таълим сифати даражаси кўрсаткичи; P1.1 - сўнгги ўқув йили якунида олий таълим муассасаларига ўқишга кириш имтиҳонларида битирувчилар томонидан тўпланган баллар йиғиндиси; P1.2 - сўнгги ўқув йили якунида олий таълим муассасаларига талабаликка қабул қилинган битирувчилар сони; P11 - умумий ўрта таълим муассасасидаги 11-синф битирувчилари умумий сони. |
1.1 |
Битирувчиларнинг умумтаълим фанлари бўйичатаълим тайёргарлиги даражаси (11-синф битирувчилари томонидан олий таълим муассасаларига киришда тўпланган баллар асосида) |
10 |
|
1.2 |
Битирувчиларнинг таълим сифати даражаси (11-синф битирувчилари орасидан олий таълим муассасаларига ўқишга кирганлар салмоғи асосида) |
10 |
|
2 |
Умумий ўрта таълим муассасаси ўқувчиларининг билим даражаси кўрсаткичи |
20 |
Ўқувчилар билим даражаси кўрсаткичи қуйидаги формула орқали аниқланади:
Pmi - назорат ишларида m-фандан ижобий баҳо олган ўқувчилар сони; Pmn - n-синфда, m-фандан назорат ишида қатнашган ўқувчилар сони. |
3 |
Умумий ўрта таълим муассасаси ўқувчиларининг чет тилларни билиш даражаси кўрсаткичи |
10 |
Ўқувчиларнинг чет тилларни билиш даражаси кўрсаткичи қуйидаги формула орқали аниқланади:
P3.1 - чет тилини билиш бўйича халқаро ёки миллий сертификатга эга ўқувчилар сони; P1 - мактабдаги жами ўқувчилар сони. |
4 |
Умумий ўрта таълим муассасаси педагогларининг сифат (салоҳият) кўрсаткичи |
20 |
Педагогларнинг сифат (салоҳияти) кўрсаткичи қуйидаги формула орқали аниқланади:
P4.1 - олий тоифали ўқитувчилар сони; P4.2 - биринчи тоифали ўқитувчилар сони; P - асосий штатдаги жами ўқитувчилар сони. |
5 |
Умумий ўрта таълим муассасаси ўқитувчиларининг чет тилларни билиш даражаси кўрсаткичи |
10 |
Ўқитувчиларнинг чет тилларни билиш даражаси кўрсаткичи қуйидаги формула орқали аниқланади: унда: P5.1 - чет тилини билиш бўйича халқаро ёки миллий сертификатга эга ўқитувчилар сони; P - асосий штатдаги жами ўқитувчилар сони. |
6 |
Ижтимоий сўровнома натижалари |
10 |
Умумий ўрта таълим муассасасининг ўқувчилари ва педагогик жамоаси ўртасида ўтказилган сўровнома натижалари кўрсаткичи қуйидаги формула билан аниқланади:
- педагог ва раҳбар ходимлар фаолияти самарадорлиги кўрсаткичи; - умумий ўрта таълим муассасасида педагог ходимлар учун яратилган шароитлар ва ўқитиш муҳитининг ҳолати кўрсаткичи; P6.1 - ўқувчилар томонидан берилган ижобий жавоблар сони; Pўқувчи - ижтимоий сўровномада иштирок этган ўқувчилар сони; P6.2 - педагог ходимлар томонидан берилган ижобий жавоблар сони; Pпед - ижтимоий сўровномада иштирок этган педагог ходимлар сони. |
6.1 |
Педагог ва раҳбар ходимлар фаолияти самарадорлиги (ўқувчилар ўртасида ўтказиладиган ижтимоий сўровнома асосида) |
5 |
|
6.2 |
Педагог ходимлар учун яратилган шароитлар ва ўқитиш муҳити (педагоглар жамоаси ўртасида ўтказиладиган ижтимоий сўров асосида) |
5 |
|
7 |
Умумий ўрта таълим муассасасида маънавий-маърифий ва ўқув-тарбиявий муҳит (Ўзбекистон Республикаси Президентининг илгари сурган беш ташаббус доирасида қилинган ишлар асосида) |
10 |
Маънавий-маърифий ва ўқув-тарбиявий муҳит кўрсаткич қуйидаги формула орқали аниқланади:
P7.1 - ҳисоб йилида биринчи ташаббус (мусиқа, рассомлик, адабиёт, театр ва санъатнинг бошқа турлари) доирасида республика тадбирларида эришилган ютуқлар сони; P7.2 - ҳисоб йилида иккинчи ташаббус (ёшларни спорт соҳасида қобилиятини намоён қилиш) доирасида республика тадбирларида эришилган ютуқлар сони; P7.3 - ҳисоб йилида учинчи ташаббус (аҳоли ва ёшлар ўртасида компьютер технологиялари ва интернетдан самарали фойдаланишни ташкил этиш) доирасида қилинган ишлар; P7.4 - ҳисоб йилида тўртинчи ташаббус (ёшлар маънавиятини юксалтириш, улар ўртасида китобхонликни кенг тарғиб қилиш) доирасида эришилган ютуқлар сони; P7.5 - ҳисоб йилида бешинчи ташаббусга (хотин-қизларни иш билан таъминлаш масаласида) доир қилинган ишлар. |
Умумий балл |
100 |
3-ИЛОВА
Қорақалпоғистон Республикаси Вазирлар Кенгаши Раиси,
вилоятлар ва Тошкент шаҳар, туман (шаҳар) ҳокимлари
ҳамда уларнинг таълим ва тарбия масалалари бўйича
маслаҳатчилари фаолиятини умумий ўрта таълим
муассасалари рейтинги орқали баҳолаш
мезонлари ва ҳисоблаш
МЕТОДИКАСИ
Т/р |
Мезон номи |
Балл |
Мезонлар учун балларни ҳисоблаш методикаси |
1 |
Умумий ўрта таълим муассасаси битирувчиларининг умумтаълим фанлари бўйича тайёргарлиги ва таълим сифати даражаси |
20 |
Битирувчиларнинг умумтаълим фанлари бўйича тайёргарлиги ва таълим сифати даражаси кўрсаткичи қуйидаги формула орқали аниқланади:
- битирувчиларнинг таълим сифати даражаси кўрсаткичи; P1.1 - сўнгги ўқув йили якунида олий таълим муассасаларига ўқишга кириш имтиҳонларида битирувчилар томонидан тўпланган баллар йиғиндиси; P1.2 - сўнгги ўқув йили якунида олий таълим муассасаларига талабаликка қабул қилинган битирувчилар сони; P11 - умумий ўрта таълим муассасасидаги 11-синф битирувчилари умумий сони. |
1.1 |
Битирувчиларнинг умумтаълим фанлари бўйича таълим тайёргарлиги даражаси (11-синф битирувчилари томонидан олий таълим муассасаларига киришда тўпланган баллар асосида) |
10 |
|
1.2 |
Битирувчиларнинг таълим сифати даражаси (11-синф битирувчилари орасидан олий таълим муассасаларига ўқишга кирганлар салмоғи асосида) |
10 |
|
2 |
Умумий ўрта таълим муассасаси ўқувчиларининг чет тилларни билиш даражаси кўрсаткичи |
10 |
Ўқувчиларнинг чет тилларни билиш даражаси кўрсаткичи қуйидаги формула орқали аниқланади:
P2.1 - чет тилини билиш бўйича халқаро ёки миллий сертификатга эга ўқувчилар сони; P - мактабдаги жами ўқувчилар сони. |
3 |
Умумий ўрта таълим муассасалари 11-синф битирувчиларининг бандлик кўрсаткичи (тизимида умумий ўрта таълим муассасалари бўлган вазирликлар ва идоралар маълумотлари асосида) |
10 |
11-синф битирувчиларининг бандлик кўрсаткичи қуйидаги формула орқали аниқланади:
P3.1 - ҳисобот йилида туман (шаҳар)даги бандлиги таъминланган жами 11-синф битирувчилари сони; P11 - туман (шаҳар)даги жами 11-синф битирувчиларининг умумий сони. |
4 |
Умумий ўрта таълим муассасалари ўқувчилари ўртасида содир этилган жиноятлар улуши (Ўзбекистон Республикаси Бош прокуратураси маълумоти аосида) |
10 |
Ўқувчилар ўртасида содир этилган жиноятлар улуши кўрсаткичи қуйидаги формула орқали аниқланади:
P4.1 - рейтинг аниқланаётган йилда туман (шаҳар)даги умумий ўрта таълим муассасалар ўқувчилари томонидан содир этилган жиноятлар сони; P1 - туман (шаҳар)даги умумий ўрта таълим муассасаларидаги ўқувчиларнинг умумий сони. |
5 |
Умумий ўрта таълим муассасаси педагогларининг сифат (салоҳият) кўрсаткичи |
20 |
Педагогларнинг сифат (салоҳияти) кўрсаткичи қуйидаги формула орқали аниқланади:
P5.1 - олий тоифали ўқитувчилар сони; P5.2 - биринчи тоифали ўқитувчилар сони; P - асосий штатдаги жами ўқитувчилар сони. |
6 |
Умумий ўрта таълим муассасаси ўқитувчиларининг чет тилларни билиш даражаси кўрсаткичи |
10 |
Ўқитувчиларнинг чет тилларни билиш даражаси кўрсаткичи қуйидаги формула орқали аниқланади: унда: P6.1 - чет тилини билиш бўйича халқаро ёки миллий сертификатга эга ўқитувчилар сони; P - асосий штатдаги жами ўқитувчилар сони. |
7 |
Умумий ўрта таълим муассасалари моддий-техника базасини мустаҳкамлаш ва ўқув-тарбиявий муҳитни қўллаб-қувватлаш учун туман (шаҳар) маҳаллий бюджетининг орттирилган маблағлари ҳисобидан қилинган қўшимча харажатлар ҳажми (Ўзбекистон Республикаси Молия вазирлиги маълумоти асосида) |
10 |
Умумий ўрта таълим муассасалари моддий-техник базасини мустаҳкамлаш учун тегишли маҳаллий бюджетларнинг қўшимча манбалари ҳисобидан ажратилган маблағлар ҳажми кўрсаткичи қуйидаги формула орқали аниқланади:
P7.1 - рейтинг аниқланаётган йилда умумий ўрта таълим муассасалари моддий-техник базасини мустаҳкамлаш ва ўқув-тарбиявий муҳитни қўллаб-қувватлаш учун туман (шаҳар) маҳаллий бюджетининг орттирилган маблағлари ҳисобидан қилинган қўшимча харажатлар ҳажми, сўм; P1 - туман (шаҳар)даги барча умумий ўрта таълим муассасаларининг жами ўқувчилари сони. |
8 |
Умумий ўрта таълим муассасаларида маънавий-маърифий ва ўқув-тарбиявий муҳит (Ўзбекистон Республикаси Президентининг илгари сурган беш ташаббус доирасида қилинган ишлар асосида) |
10 |
Маънавий-маърифий ва ўқув-тарбиявий муҳит кўрсаткич қуйидаги формула орқали аниқланади:
P8.1 - ҳисоб йилида биринчи ташаббус (мусиқа, рассомлик, адабиёт, театр ва санъатнинг бошқа турлари) доирасида республика тадбирларида эришилган ютуқлар сони; P8.2 - ҳисоб йилида иккинчи ташаббус (ёшларни спорт соҳасида қобилиятини намоён қилиш) доирасида республика тадбирларида эришилган ютуқлар сони; P8.3 - ҳисоб йилида учинчи ташаббус (аҳоли ва ёшлар ўртасида компьютер технологиялари ва интернетдан самарали фойдаланишни ташкил этиш) доирасида қилинган ишлар; P8.4 - ҳисоб йилида тўртинчи ташаббус (ёшлар маънавиятини юксалтириш, улар ўртасида китобхонликни кенг тарғиб қилиш) доирасида эришилган ютуқлар сони; P8.5 - ҳисоб йилида бешинчи ташаббусга (хотин-қизларни иш билан таъминлаш масаласида) доир қилинган ишлар. |
Умумий балл |
100 |
Қонун ҳужжатлари маълумотлари миллий базаси (www.lex.uz),
2021 йил 4 июнь