Ўзбекистон Республикаси Президентининг 02.09.2023 й. ПФ-155-сон "Тўқимачилик саноатини молиявий қўллаб-қувватлаш бўйича қўшимча чора-тадбирлар тўғрисида"ги Фармони
ЎЗБЕКИСТОН РЕСПУБЛИКАСИ
ПРЕЗИДЕНТИНИНГ
ФАРМОНИ
02.09.2023 й.
N ПФ-155
ТЎҚИМАЧИЛИК САНОАТИНИ МОЛИЯВИЙ
ҚЎЛЛАБ-ҚУВВАТЛАШ БЎЙИЧА ҚЎШИМЧА
ЧОРА-ТАДБИРЛАР ТЎҒРИСИДА
Илова. Ўзбекистон Республикаси Президентининг 2023 йил
10 январдаги "Пахта-тўқимачилик кластерлари фаолиятини
қўллаб-қувватлаш, тўқимачилик ва тикув-трикотаж саноатини
тубдан ислоҳ қилиш ҳамда соҳанинг экспорт салоҳиятини
янада ошириш чора-тадбирлари тўғрисида"ги ПФ-2-сон
Фармонига киритилаётган ўзгартиришлар
Тўқимачилик саноати корхоналарининг мавжуд имкониятларини тўлиқ сафарбар этиш, уларнинг экспорт салоҳиятини янада ошириш мақсадида:
1. Газлама, трикотаж мато ва тайёр тикув-трикотаж маҳсулотларини экспорт қилувчи корхоналарни револьвер кредитлаш асосида айланма маблағ билан таъминлаш учун Экспортни қўллаб-қувватлаш жамғармасига буюртмаларга асосан 2023 йилда Тикланиш ва тараққиёт жамғармасидан қўшимча 50 миллион АҚШ доллари 2026 йил 1 январга қадар қайтариш шарти билан йиллик 4 фоиз ставкада ажратилсин.
2. Ўзбекистон Республикаси Президентининг 2023 йил 10 январдаги "Пахта-тўқимачилик кластерлари фаолиятини қўллаб-қувватлаш, тўқимачилик ва тикув-трикотаж саноатини тубдан ислоҳ қилиш ҳамда соҳанинг экспорт салоҳиятини янада ошириш чора-тадбирлари тўғрисида"ги ПФ-2-сон Фармонига иловага мувофиқ ўзгартиришлар киритилсин.
3. Мазкур Фармоннинг ижросини назорат қилиш Бош вазир ўринбосари Ж.А. Ходжаев зиммасига юклансин.
Ўзбекистон Республикаси Президенти Ш. Мирзиёев
Президентининг
2023 йил 2 сентябрдаги
ПФ-155-сон Фармонига
ИЛОВА
Ўзбекистон Республикаси Президентининг
2023 йил 10 январдаги "Пахта-тўқимачилик кластерлари
фаолиятини қўллаб-қувватлаш, тўқимачилик ва тикув-трикотаж
саноатини тубдан ислоҳ қилиш ҳамда соҳанинг экспорт
салоҳиятини янада ошириш чора-тадбирлари
тўғрисида"ги ПФ-2-сон Фармонига
киритилаётган ўзгартиришлар
2-бандининг "а" кичик бандида:
иккинчи хатбошидаги "2023 йилда 50 миллион АҚШ доллари ва 2024 йилда 150 миллион АҚШ доллари миқдоридаги маблағлар 2026 йил 1 январга қадар қайтариш шарти билан йиллик 4 фоиз ставкада" сўзлари "2023 йилда 100 миллион АҚШ доллари ва 2024 йилда 150 миллион АҚШ доллари миқдоридаги маблағлар 2024 йил августдан бошлаб 2026 йил 1 январга қадар қайтариш шарти билан йиллик 4 фоиз ставкада" сўзлари билан алмаштирилсин;
учинчи хатбошидаги "100" рақами "50" рақамига алмаштирилсин.
Қонун ҳужжатлари маълумотлари миллий базаси (www.lex.uz),
2023 йил 4 сентябрь