Ўзбекистон Республикаси Вазирлар Маҳкамасининг 11.10.2000 й. 393-сон "Қўшма корхоналар ташкил этишга хорижий инвестицияларни жалб этишга доир қўшимча чора-тадбирлар тўғрисида"ги Қарори

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

11.10.2000 й.

N 393

ҚЎШМА КОРХОНАЛАР ТАШКИЛ ЭТИШГА

ХОРИЖИЙ ИНВЕСТИЦИЯЛАРНИ ЖАЛБ ЭТИШГА

ДОИР ҚЎШИМЧА ЧОРА-ТАДБИРЛАР ТЎҒРИСИДА

Республика минтақаларида экспортга мўлжалланган ишлаб чиқаришларни ташкил этишга хорижий инвестицияларнинг жалб қилинишини янада рағбатлантириш мақсадида Вазирлар Маҳкамаси ҚАРОР ҚИЛАДИ:

3. Қишлоқ жойларида янгидан ташкил этилаётган хорижий инвестициялар иштирокидаги ишлаб чиқариш корхоналари ишлаб чиқаришни бошлаган вақтдан бошлаб уч йил муддатга даромад (фойда) солиғи тўлашдан озод қилинсин.

Белгилансинки, кўрсатиб ўтилган қўшма корхоналар учун кўрсатилган муддат тугагандан кейинги икки йил давомида даромад (фойда) солиғи ставкаси амалдаги ставканинг 50 фоизи миқдорида белгиланади.

4. Ўзбекистон Республикаси Ташқи ишлар вазирлиги, Ички ишлар вазирлиги Қорақалпоғистон Республикаси Вазирлар Кенгаши, вилоятлар ва Тошкект шаҳар ҳокимликларининг буюртмалари бўйича қўшма ишлаб чиқаришларни ташкил этишда қатнашаётган хорижий мутахассисларга кўп марталик визалар беришни ва уларни узайтириб беришни, шунингдек, вақтинчалик рўйхатга олишни ва вақтинчалик рўйхатда туришни узайтириб беришни таъминласинлар.

5. Мазкур қарорнинг бажарилишини назорат қилиш Ўзбекистон Республикасининг Бош вазири Ў.Т. Султонов зиммасига юклансин.

Вазирлар Маҳкамасининг Раиси                                           И. Каримов

"Ўзбекистон Республикаси Ҳукумати қарорлари тўплами", 2000 й., N 10, 66-модда.