Саволларингизга жавобларни Buxgalter Pro да топасиз:
2025 йил I чораги учун кимлар танланма кузатувга тушган
Миллий статистика қўмитаси 4-kb savolnoma шакли бўйича 2025 йил I чораги учун танланма кузатувга тушган кичик корхоналар ва микрофирмалар рўйхатини эълон қилди.
Агар сизнинг ташкилотингизга ҳам шундай омад кулиб боққан бўлса, buxgalter.uz нинг қадамма-қадам йўриқномасидан фойдаланинг:
Муҳим янгиликларни ўтказиб юбормаслик учун Телеграм-каналимизга обуна бўлинг.
2025 йил I чораги учун танланма кузатувга тушган компаниялар рўйхати - шу ерда > > >
eStat 4.0 дастурига қандай кириш ва шаклни қандай тўлдириш керак
1-қадам – тизимга кириш
Дастурга ҳавола орқали ёки stat.uz сайтидаги «Электрон ҳисобот» тугмасидан киринг. Бунинг учун ЭРИ керак бўлади.
2-қадам – керакли статистик ҳисобот шаклини танлаш ва тўлдириш
Ташкилотингиз номи ва унинг реквизитлари – КТУТ, СТИР кўрсатилган ойнада ташкилот номига босинг ва шахсий кабинетга киринг. Унинг ўнг қисмида тугмалар – статистик ҳисоботларингизнинг «ҳолатлари» (юборилган, рад этилган, қабул қилинган) ва статистика органларининг ваколатли вакиллари хабарномалари акс эттирилади.
Экраннинг чап қисмида таклиф этилаётган рўйхатдан «Кичик бизнес ва тадбиркорлик» ёрлиғини ва 4-kb savolnoma шаклини танланг. «Юбориш» тугмасини босинг. Хавотир олманг, шакл дарҳол юборилмайди, у тўлдириш учун очилади.
Шаклнинг барча зарур бўлимларини кўрсаткичлар билан тўлдириб (статистик ҳисобот шаклининг юқори панели), яна «Юбориш» тугмасини босинг.
Эътибор беринг
Шаклнинг ҳар бир бўлими учун мантиқий назорат - кўрсаткичларни тўғри тўлдирилганлигини формулалар билан текшириш назарда тутилган.
Шунингдек, ушбу шаклнинг бўлимларида «Сақлаш» тугмаси мавжуд. Уни босишни унутманг, акс ҳолда бўлимлар бўйича тўлдирилган кўрсаткичларингиз сақланмайди ва уларни қайтадан киритишга тўғри келади.
Тўлдириш бўйича кўрсатмаларга эътибор беринг – шакл бўлимларининг жадвал қисми остидаги пастки изоҳлар – у ёки бу бўлимда айнан қандай кўрсаткичларни акс эттириш кераклиги ҳақида.
Ҳисоботнинг барча зарур бобларини (бўлимларини) тўлдиргач, «Якуний қисми»га ўтинг. Агар дастурнинг рухсат этилган мантиқий назорати мантиқий хатоликларни аниқласа, уларни «Изоҳ»да тушунтиринг ва шундан кейин «Юбориш» тугмасини босинг.
Эътибор беринг
«Изоҳ» майдонига киритилган матн, матнни киритгандан сўнг бошқа саҳифага ўтсангиз сақланмайди. Шунинг учун матнни матн муҳарририда териб, барча мантиқий хатоликлар тушунтирилганлигини текшириб, кейин матнни «Изоҳ»га жойлаштиришни тавсия этамиз.
Юборилгунга қадар ҳисобот шакли «Қоралама» папкасида туради. Юборилгандан сўнг, у қайта ишлаш жараёнига қараб «Юборилган ҳисоботлар», «Қайта ишлаш жараёнида», «Қабул қилинган ҳисоботлар» ёки «Рад этилган ҳисоботлар»га ўтади.
3-қадам – тўлдирилган шаклни «Excel» форматида сақлаб олиш
Тўлдирилган шаклни Excel га юклаб олиш учун «Кичик бизнес ва тадбиркорлик» каталогига ўтинг. Ўнг ойнада ушбу бўлимнинг ҳисоботлар рўйхати очилади, юқорида иккита ёрлиқ бўлади – «Ҳисобот турлари» ва «Юборилган ҳисоботлар». «Юборилган ҳисоботлар» ёрлиғига босинг.
Excel файлини юклаб олиш имконияти билан ҳисоботларингиз рўйхати очилади.
4-қадам – ҳисобот ҳолатини текшириш
Юборилган ҳисоботларнинг ҳолатини – қабул қилинган ёки рад этилганлигини тизимнинг тегишли ёрлиқларида кўринг:
Статистика ҳисоботининг барча ҳолатлари бўйича – «юборилган»дан «қабул қилинган» ёки «рад этилган»гача – статистика органларидан хабарлар «Хабарномалар» ёрлиғида мавжуд.
Шахсий кабинетдан чиқиш учун унинг юқори чап қисмида ташкилотингиз номини ва кейин «Чиқиш» тугмасини босинг.
Эътибор беринг
Агар шаклларни тўлдириш бўйича саволлар туғилса, қуйидаги телефонлар орқали мурожаат қилиш мумкин: (71) 202-81-07; (71) 202-81-08.
eStat 4.0 дастурида ишлаш билан боғлиқ техник масалалар бўйича сизга (71) 202-81-45 телефон рақами орқали маслаҳат берадилар.
