Ўзбекистон Республикаси Ҳукумати билан Эрон Ислом Республикаси Ҳукумати ўртасида халқаро автомобиль алоқаси тўғрисида Битим (Тошкент, 1993 йил 18 октябрь)

Ўзбекистон Республикаси Ҳукумати билан

Эрон Ислом Республикаси Ҳукумати ўртасида

халқаро автомобиль алоқаси тўғрисида

БИТИМ

Бундан буён "Аҳдлашувчи Томонлар" деб номланган Ўзбекистон Республикаси Ҳукумати ва Эрон Ислом Республикаси Ҳукумати ўзаро ҳамкорлик асосида автомобиль, йўловчи ва юк ташиш транспорт алоқаларини ҳар иккала мамлакат ўртасида ва уларнинг ҳудудидан транзит йўли билан ривожлантиришни истаб, қуйидагилар ҳақида аҳдлашиб олдилар:

1-модда

Мазкур Битим шартлари йўловчиларни ва юкларни халқаро автомобиль транспорти билан Аҳдлашувчи Томон ҳудудидан иккинчи Аҳдлашувчи Томон ҳудудига ёки транзит йул билан Аҳдлашувчи Томон ҳудуди орқали Аҳдлашилган Томон ҳудудида рўйхатдан ўтган автотранспорт воситалари билан халқаро юк ташишга тегишлидир.

2-модда

1. "Ташувчи" атамаси доимий яшаш жойига эга бўлган Ўзбекистон Республикаси ёки Эрон Ислом Республикасининг ўз қонунлари ва қоидаларига кўра халқаро алоқалар бўйича юк ёки йўловчилар ташишига ижозат берилган корхоналар ёхуд фуқаролар бўлиб, ҳар қандай