Ўзбекистон Республикаси Вазирлар Маҳкамасининг 24.01.2001 й. 52-сон "Корхоналар (ташкилотлар)га фаолиятнинг айрим турлари билан шуғулланиш ҳуқуқини берадиган махсус рухсатномалар (лицензиялар) бериш тартиби тўғрисидаги низомга ўзгартириш киритиш ҳақида"ги Қарори

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

24.01.2001 й.

N 52

КОРХОНАЛАР (ТАШКИЛОТЛАР)ГА

ФАОЛИЯТНИНГ АЙРИМ ТУРЛАРИ БИЛАН

ШУҒУЛЛАНИШ ҲУҚУҚИНИ БЕРАДИГАН

МАХСУС РУХСАТНОМАЛАР (ЛИЦЕНЗИЯЛАР)

БЕРИШ ТАРТИБИ ТЎҒРИСИДАГИ НИЗОМГА

ЎЗГАРТИРИШ КИРИТИШ ҲАҚИДА

Адвокатура тўғрисида”ги Ўзбекистон Республикаси Қонунига, Вазирлар Маҳкамасининг 1997 йил 13 мартдаги 139-сон қарори билан тасдиқланган, Адвокатлик бюролари, ҳайъатлари, фирмаларини давлат рўйхатидан ўтказиш ҳамда Ўзбекистон Республикаси фуқароларига адвокатлик фаолияти билан шуғулланиш ҳуқуқини берувчи лицензияларни бериш тартиби тўғрисидаги низомга мувофиқ, шунингдек “Фуқаролар ва юридик шахсларга ҳуқуқий ёрдам кўрсатиш билан боғлиқ ишларни амалга ошириш” фаолият тури Ўзбекистон Республикасининг 1997 йил 30 августдаги Қонуни билан мулкчиликнинг барча шаклларидаги корхоналар (ташкилотлар) шу жумладан хорижий ва қўшма корхоналар (ташкилотлар) фақат махсус рухсатнома (лицензия) асосида шуғулланишга ҳақли бўлган фаолият турлари рўйхатидан чиқарилганлиги муносабати билан Вазирлар Маҳкамаси ҚАРОР ҚИЛАДИ:

Ўзбекистон Республикаси Вазирлар Маҳкамасининг 1994 йил 19 апрелдаги 215-сон қарори (Ўзбекистон Республикаси ҚТ., 1994 й., 4-сон, 23-модда) билан тасдиқланган Корхоналар (ташкилотлар)га фаолиятнинг айрим турлари билан шуғулланиш ҳуқуқини берадиган махсус рухсатномалар (лицензиялар) бериш тартиби тўғрисидаги низомнинг 2-бандидан йигирма тўққизинчи хатбоши (“Фуқаролар ва юридик шахсларга ҳуқуқий ёрдам кўрсатиш билан боғлиқ ишларни амалга ошириш. Адлия вазирлиги”) чиқариб ташлансин.

"Ўзбекистон Республикаси қонунлари тўплами", 2001 й., 1-2-сон

"Ўзбекистон Республикаси Ҳукумати қарорлари тўплами", 2001 й., N 1, 5-модда.