Халқ таълими вазирининг 28.11.2007 й. 297-сон "Давлат мактабгача таълим муассасаларига болаларни қабул қилиш бўйича қабул комиссиясининг фаолият кўрсатиш тартиби тўғрисидаги низомни тасдиқлаш ҳақида"ги Буйруғи (АВ томонидан 26.12.2007 й. 1753-сон билан рўйхатга олинган)
ЎЗБЕКИСТОН РЕСПУБЛИКАСИ
АДЛИЯ ВАЗИРЛИГИ ТОМОНИДАН
РЎЙХАТГА ОЛИНГАН
26.12.2007 й.
N 1753
ЎЗБЕКИСТОН РЕСПУБЛИКАСИ
ХАЛҚ ТАЪЛИМИ ВАЗИРИНИНГ
28.11.2007 й.
N 297
БУЙРУҒИ
Давлат мактабгача таълим муассасаларига болаларни
қабул қилиш бўйича қабул комиссиясининг
фаолият кўрсатиш тартиби тўғрисидаги
низомни тасдиқлаш ҳақида
(2008 йил 5 январдан кучга киради)
Ўзбекистон Республикаси Вазирлар Маҳкамасининг 2007 йил 25 октябрдаги 225-сонли "Мактабгача таълим соҳасидаги норматив-ҳуқуқий ҳужжатларни тасдиқлаш тўғрисида"ги қарорига (Ўзбекистон Республикаси қонун ҳужжатлари тўплами, 2007 йил, 43-сон, 431-модда) мувофиқ БУЮРАМАН:
1. Давлат мактабгача таълим муассасаларига болаларни қабул қилиш бўйича қабул комиссиясининг фаолият кўрсатиш Тартиби иловага мувофиқ тасдиқлансин.
2. Мазкур буйруқ Ўзбекистон Республикаси Адлия вазирлигида давлат рўйхатидан ўтказилганидан сўнг ўн кундан кейин кучга киради.
Халқ таълими вазири Т. Жўраев
"Ўзбекистон Республикаси қонун ҳужжатлари тўплами", 2007 йил, 52-сон, 544-модда.