Ўзбекистон Республикаси Олий Кенгашининг 10.12.1992 й. 769-ХII-сон "Ўзбекистон Республикасининг Давлат мадҳияси тўғрисида"ги Ўзбекистон Республикаси Қонунини амалга киритиш ҳақида"ги Қарори

ЎЗБЕКИСТОН РЕСПУБЛИКАСИ

ОЛИЙ КЕНГАШИНИНГ

ҚАРОРИ

10.12.1992 й.

N 769-ХII

"ЎЗБЕКИСТОН РЕСПУБЛИКАСИНИНГ ДАВЛАТ

МАДҲИЯСИ ТЎҒРИСИДА"ГИ ЎЗБЕКИСТОН

РЕСПУБЛИКАСИ ҚОНУНИНИ АМАЛГА

КИРИТИШ ҲАҚИДА

Ўзбекистон Республикаси Олий Кенгаши ҚАРОР ҚИЛАДИ:

1. Белгилаб қўйилсинки, ушбу Қонун билан тасдиқланган Ўзбекистон Республикасининг Давлат мадҳияси 1992 йил 10 декабрдан ҳамма жойда ижро этилади.

2. Қуйидагилар ўз кучини йўқотган деб ҳисоблансин:

Ўзбекистон Республикаси Олий Совети Раёсатининг "Ўзбекистон Республикасининг Давлат гимни тўғрисида"ги 1978 йил 18 март Фармони (Ўзбекистон Республикаси Олий Советининг Ведомостлари, 1978 йил, N 9, 134-модда; N 12);

Ўзбекистон Республикаси Олий Совети Раёсатининг "Ўзбекистон Республикасининг Давлат гимни тўғрисидаги Низомни тасдиқлаш ҳақида"ги 1985 йил 29 апрель Фармони (Ўзбекистон Республикаси Олий Советининг Ведомостлари, 1985 йил, N 13, 141-модда).

Ўзбекистон Республикаси

Олий Кенгашининг Раиси                                                     Ш. Йўлдошев