Ўзбекистон Республикаси Вазирлар Маҳкамасининг 29.10.2010 й. 240-сон "Вазирлар Маҳкамасининг "Реклама тўғрисида"ги Ўзбекистон Республикаси Қонунини амалга ошириш чора-тадбирлари ҳақида" 2000 йил 26 июндаги 243-сон қарорига ўзгартириш ва қўшимчалар киритиш ҳақида"ги Қарори

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

29.10.2010 й.

N 240

ВАЗИРЛАР МАҲКАМАСИНИНГ

"РЕКЛАМА ТЎҒРИСИДА"ГИ ЎЗБЕКИСТОН

РЕСПУБЛИКАСИ ҚОНУНИНИ АМАЛГА

ОШИРИШ ЧОРА-ТАДБИРЛАРИ ҲАҚИДА"

2000 ЙИЛ 26 ИЮНДАГИ 243-СОН ҚАРОРИГА

ЎЗГАРТИРИШ ВА ҚЎШИМЧАЛАР

КИРИТИШ ҲАҚИДА

"Реклама тўғрисида"ги Ўзбекистон Республикаси Қонунига ҳамда Ўзбекистон Республикаси Маъмурий жавобгарлик тўғрисидаги кодексининг 178-1-моддасига ўзгартиш ва қўшимчалар киритиш ҳақида"ги Ўзбекистон Республикаси Қонунига мувофиқ Вазирлар Маҳкамаси ҚАРОР ҚИЛАДИ:

1. Вазирлар Маҳкамасининг "Реклама тўғрисида"ги Ўзбекистон Республикаси Қонунини амалга ошириш чора-тадбирлари ҳақида" 2000 йил 26 июндаги 243-сон қарорига 2-иловага (Ўзбекистон Республикаси ҚТ, 2000 й., 6-сон, 32-модда) қуйидаги ўзгартириш ва қўшимчалар киритилсин:

а) 5-бандда:

"Реклама тўғрисидаги қонун ҳужжатининг талаблари" устунидаги "Матбуот нашрларида тамаки маҳсулотлари ва алкоголли ичимликлар рекламасини чеклаш" сўзлари "Тамаки, тамаки маҳсулотлари ва алкоголли ичимликлар реклама қилинишига йўл қўймаслик" сўзлари билан алмаштирилсин;

"Қонун ҳужжатлари талаблари бажарилиши учун масъул бўлган давлат бошқаруви ва жойлардаги давлат ҳокимияти органларининг номи" устунига "Ўзбекистон МТРК, Ўзбекистон алоқа ва ахборотлаштириш агентлиги, маҳаллий давлат ҳокимияти органлари" сўзлари қўшилсин.

б) 6-бандда:

"Реклама тўғрисидаги қонун ҳужжатининг талаблари" устунидаги "Тамаки, тамаки маҳсулотлари ва алкоголли ичимликлар рекламаларини ташқи жойлаштиришни назорат қилиш" сўзлари чиқариб ташлансин;

"Реклама тўғрисида"ги Ўзбекистон Республикаси Қонуни моддаси" устунидаги "23-модда" сўзлари чиқариб ташлансин.

2. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов зиммасига юклансин.

Ўзбекистон Республикасининг Бош вазири                               Ш. Мирзиёев

"Ўзбекистон Республикаси қонун ҳужжатлари тўплами", 2010 йил, 44-45-сон, 380-модда.

“Ўзбекистон Республикаси Ҳукуматининг қарорлари тўплами”, 2010 йил, 10-сон, 54-модда