Маданият ва спорт ишлари вазирининг 06.04.2012 й. 345-сон "Бадиий гимнастика бўйича болалар-ўсмирлар ихтисослаштирилган республика олимпия захираси спорт мактабига ўқувчи-спортчиларни конкурс асосида танлаб олиш ва қабул қилиш тартиби тўғрисидаги низомни тасдиқлаш ҳақида"ги Буйруғи (АВ томонидан 14.05.2012 й. 2362-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

14.05.2012 й.

N 2362

ЎЗБЕКИСТОН РЕСПУБЛИКАСИ

МАДАНИЯТ ВА СПОРТ ИШЛАРИ

ВАЗИРИНИНГ

06.04.2012 й.

N 345

БУЙРУҒИ

Бадиий гимнастика бўйича болалар-ўсмирлар

ихтисослаштирилган республика олимпия захираси

спорт мактабига ўқувчи-спортчиларни конкурс асосида

танлаб олиш ва қабул қилиш тартиби тўғрисидаги

низомни тасдиқлаш ҳақида

(2012 йил 24 майдан кучга киради)

Ўзбекистон Республикаси Президентининг 2011 йил 27 августдаги ПҚ-1608-сон "Бадиий гимнастика бўйича болалар-ўсмирлар ихтисослаштирилган республика олимпия захираси спорт мактабини ташкил этиш тўғрисида"ги қарори ижросини таъминлаш мақсадида БУЮРАМАН:

1. Бадиий гимнастика бўйича болалар-ўсмирлар ихтисослаштирилган республика олимпия захираси спорт мактабига ўқувчи-спортчиларни конкурс асосида танлаб олиш ва қабул қилиш тартиби тўғрисидаги низом иловага мувофиқ тасдиқлансин.

2. Мазкур буйруқ Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.

Вазир                                                                                                Т. Қўзиев

"Ўзбекистон Республикаси қонун ҳужжатлари тўплами", 2012 йил, 20-сон, 221-модда