Темир йўл транспорти йўловчиларининг қўл юкини, багажини, валютасини ва валюта бойликларини божхона назоратидан ўтказиш ва расмийлаштириш Тартиби (АВ томонидан 05.02.1999 й. 619-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

05.02.1999 й.

N 619

ТАСДИҚЛАНГАН

Мазкур  Тартиб  рус  тилида  тасдиқланган.

Ҳужжатнинг    матни   "Norma"   ахборот-қидирув    тизими

экспертлари   томонидан  ўзбек  тилига  таржима  қилинган

ва   ахборот   тусига   эга.  Ноаниқликлар   келиб чиққанида

меъёрий-ҳуқуқий ҳужжатнинг рус тилидаги матнига қаранг.

Темир йўл транспорти йўловчиларининг қўл юкини,

багажини, валютасини ва валюта бойликларини

божхона назоратидан ўтказиш ва расмийлаштириш

ТАРТИБИ

Мазкур Тартиб "Валютани тартибга солиш тўғрисида"ги Ўзбекистон Республикаси Қонуни (янги таҳрирда) (Ўзбекистон Республикаси қонун ҳужжатлари тўплами, 2004 й., 6-сон, 65-модда) ва Ўзбекистон Республикаси Вазирлар Маҳкамасининг 1998 йил 24 ноябрдаги "Темир йўл станцияларида божхона назорати ва назорат постларини тартибга солиш бўйича чора-тадбирлар тўғрисида"ги 489-сон қарорига (Ўзбекистон Республикаси Ҳукуматининг қарорлари тўплами, 1998 йил, 11-сон, 266-модда) мувофиқ ишлаб чиқилган ва Ўзбекистон Республикаси божхона чегарасини темир йўл транспортида кесиб ўтадиган йўловчиларнинг кўл юки, юки (багажи), валюта ва валюта бойликлари божхона назорати ҳамда расмийлаштирилиши тартибини белгилайди.

I. УМУМИЙ ҚОИДАЛАР

1. Мазкур Тартиб мақсадлари учун қуйидаги атамалар қўлланилади:

Товарлар - Ўзбекистон Республикаси Божхона кодексининг 21-моддасига мувофиқ божхона назоратидан ўтказиладиган ва белгиланган тартибда божхона декларацияси бўйича божхона органига декларацияланадиган, йўловчилар ва поезд бригадаси аъзоларининг қўл юки, валюта ва валюта бойликлари.

Қўл юки - ўраб-жойлаш туридан қатъи назар, енгил (қўлда) кўтариб юриладиган нарсалар ва буюмлар, улар ўз ҳажмларига кўра вагонларда қўл юкини жойлаштириш учун кўзда тутилган жойларда қийинчиликсиз жойлаштирилади.

Юк (багаж) - шахсан йўловчига тегишли бўлган, унга сафар тугаши пайтида зарур бўлган ва темир йўл чиптаси бўйича юк вагонида (вагон йўловчи ташиладиган ёки почта-юк поезди билан бирга бўлиши мумкин) ташишга қабул қилинадиган буюмлар.

Валюта - хорижий валюта ва Ўзбекистон Республикаси миллий валютаси.

Чет эл валютаси - муомалада бўлган ҳамда хорижий давлатда қонуний тўлов воситаси ҳисобланган банкнотлар, хазина билетлари ва тангалар кўринишидаги чет эл пул белгилари, муомаладан чи