Молия вазирлигининг 18-сон, Давлат солиқ қўмитасининг 2006-7-сон "Жисмоний шахсларнинг даромадига солинадиган солиқни ҳисоблаб чиқариш ва бюджетга тўлаш тартиби тўғрисидаги йўриқномага ўзгартириш ва қўшимчалар киритиш ҳақида"ги 24.02.2006 й. Қарори (АВ томонидан 02.03.2006 й. 1110-5-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

02.03.2006 й.

N 1110-5

ҚАРОРИ

Жисмоний шахсларнинг даромадига солинадиган

солиқни ҳисоблаб чиқариш ва бюджетга тўлаш

тартиби тўғрисидаги йўриқномага ўзгартириш

ва қўшимчалар киритиш ҳақида

(2006 йил 12 мартдан кучга киради)

Ўзбекистон Республикаси Солиқ кодекси, Ўзбекистон Республикаси "Давлат солиқ хизмати тўғрисида"ги ва "Фуқароларнинг жамғариб бориладиган пенсия таъминоти тўғрисида"ги қонунларига, Ўзбекистон Республикаси Президентининг 2005 йил 15 июндаги "Тадбиркорлик субъектлари томонидан тақдим этиладиган ҳисобот тизимини такомиллаштириш ва уни ноқонуний талаб этганлик учун жавобгарликни кучайтириш тўғрисида"ги ПҚ-100-сон (Ўзбекистон Республикаси Қонун ҳужжатлари тўплами, 2005 й., 23-24-сон, 168-модда) ва 2005 йил 27 декабрдаги "Ўзбекистон Республикасининг 2006 йилги асосий макроиқтисодий кўрсаткичлари прогнози ва Давлат бюджети параметрлари тўғрисида"ги ПҚ-244-сон қарорларига (Ўзбекистон Республикаси Қонун ҳужжатлари тўплами, 2005 й., 52-сон, 386-модда) ва Вазирлар Маҳкамасининг 2004 йил 21 декабрдаги "Фуқароларнинг жамғариб бориладиган пенсия таъминоти тўғрисида"ги 595-сон қарорига (Ўзбекистон Республикаси Қонун ҳужжатлари тўплами, 2004 й., 51-сон, 516-модда) мувофиқ ҚАРОР ҚИЛАМИЗ:

1. Ўзбекистон Республикаси Молия вазирлиги ва Давлат солиқ қўмитасининг 2002 йил 14 январдаги 10, 2002-16-сон қарори билан тасдиқланган Жисмоний шахсларнинг даромадига солинадиган солиқни ҳисоблаб чиқариш ва бюджетга тўлаш тартиби тўғрисидаги йўриқномага (2002 йил 14 март, рўйхат рақами 1110 - Меъёрий ҳужжатлар ахборотномаси, 2002 й., 5, 17-18-сон; 2003 й., 5-6-сон; Ўзбекистон Республикаси Қонун ҳужжатлари тўплами, 2004 й., 10-сон, 125-модда; 2005 й., 10-11-сон, 87-модда) иловага мувофиқ ўзгартириш ва қўшимчалар киритилсин.

2. Мазкур қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.

Молия вазири                                                      Р. Азимов

Давлат солиқ қўмитаси раиси                             Б. Парпиев

"Ўзбекистон Республикаси қонун ҳужжатлари тўплами", 2006 йил, 9-сон, 67-модда.

Қарорга

ИЛОВА

Мазкур Илова рус тилида тасдиқланган.

Ҳужжатнинг матни Норма газетаси  ва  ахборот-қидирув

тизими   экспертлари  томонидан  ўзбек  тилига  таржима

қилинган  ва ахборот  тусига  эга.   Ноаниқликлар   келиб

чиққанида  меъёрий-ҳуқуқий  ҳужжатнинг  рус   тилидаги

матнига қаранг.

Жисмоний шахсларнинг даромадига солинадиган

солиқни ҳисоблаб чиқариш ва бюджетга тўлаш

тартиби тўғрисидаги йўриқномага киритилаётган

ЎЗГАРТИРИШ ВА ҚЎШИМЧАЛАР

1. 13-банднинг жадвали қуйидаги таҳрирда баён қилинсин:

2. 15-банднинг иккинчи хатбоши ва 16-банднинг биринчи хатбошидаги "15" рақами "10" рақами билан алмаштирилсин.

3. 38-банднинг:

иккинчи хатбоши қуйидаги таҳрирда баён қилинсин:

"иш ҳақини тўлаш чоғида жисмоний шахсга унинг талабига кўра унга даромади суммаси ва тури, ушлаб қолинган солиқ суммаси (агар солиқ ушлаб қолинган бўлса), шунингдек шахсий жамғариб бориладиган пенсия ҳисобварағига ўтказилган сумма ҳақида маълумотномани бериш;";

тўртинчи хатбоши чиқариб ташлансин;

қуйидаги мазмундаги хатбоши киритилсин:

"юридик шахс солиқ тўлаш бўйича рўйхатга олинган жойдаги давлат солиқ органларига ёлланиб ишловчиларга иш ҳақи ва бошқа даромадлар кўринишида ҳисобланган ва ҳақиқатда тўланган суммалар тўғрисида, шунингдек мазкур Йўриқноманинг 2, 2а-сонли иловаларига биноан шаклда ушбу даромадларга солинадаган солиқ суммалари тўғрисидаги маълумотларни:

микрофирмалар ва кичик корхоналарга тааллуқли бўлмаган юридик шахслар томонидан - ҳисобот чорагидан кейинги ойнинг 15-кунидан кечиктирмасдан;

микрофирмалар ва кичик корхоналар томонидан - ҳисобот чорагидан кейинги ойнинг 25-кунидан кечиктирмасдан тақдим қилиш.".

4. 1-сон илова мазкур ўзгартириш ва қўшимчаларга 1-сон иловага мувофиқ таҳрирда баён қилинсин.

5. 3-сон илова мазкур ўзгартириш ва қўшимчаларга 2-сон иловага мувофиқ таҳрирда баён қилинсин.

Ўзгартириш ва қўшимчаларга

1-сон ИЛОВА