Ўзбекистон Республикаси Вазирлар Маҳкамасининг 14.06.1999 й. 300-сон "Тошкент-Андижон-Ўш-Иркештом" автомобиль йўлида йўл ишларини таъминлашга доир қўшимча чора-тадбирлар тўғрисида"ги Қарори

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

14.06.1999 й.

N 300

"ТОШКЕНТ-АНДИЖОН-ЎШ-ИРКЕШТОМ"

АВТОМОБИЛЬ ЙЎЛИДА ЙЎЛ ИШЛАРИНИ

ТАЪМИНЛАШГА ДОИР ҚЎШИМЧА ЧОРА-

ТАДБИРЛАР ТЎҒРИСИДА

Трансосиё магистрал автомобиль йўлини ўз вақтида фойдаланишга топшириш ва йўл-кўприк ишлари сифатли бажарилишини ҳамда ўта мустаҳкам конструкциялар ва материаллар тайёрланишини таъминлаш мақсадида Вазирлар Маҳкамаси ҚАРОР ҚИЛАДИ:

1. "Ўзавтойўл" давлат концерни ташкилотлари ва корхоналари "Тошкент-Андижон-Ўш-Иркештом" автомобиль йўлида ишларни бажариш ҳамда "Қамчиқ" ва "Резак"  довон участкаларида тоннеллар қурилиши учун олиб келинаётган техника, асбоб-ускуналар, материаллар ва эҳтиёт қисмлар учун, шу жумладан мурувват ва техника ёрдами доирасида текин етказиб берилаётган техника, асбоб-ускуналар, материаллар ва эҳтиёт қисмлар учун бож тўлашдан озод қилинсин (божхона расмийлаштируви йиғимлари бундан мустасно).

2. "Ўзавтойўл" давлат концерни техника, асбоб-ускуналар, материаллар ва эҳтиёт қисмларнинг юқорида кўрсатилган турларидан самарали фойдаланилишини таъминласин.

3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.Р. Юнусов зиммасига юклансин.

Вазирлар Маҳкамасининг Раиси                                          И. Каримов