Автотранспорт воситаларини тасарруф этиш ва уларни бошқариш ҳуқуқини берувчи ишончномаларни расмийлаштириш бўйича Кўрсатма (АВ томонидан 31.05.2000 й. 929-сон билан рўйхатга олинган 29.05.2000 й. Адлия вазирлигининг 01-546-сон, Ички ишлар вазирлигининг 24/8-855-сон билан тасдиқланган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

31.05.2000 й.

N 929

ТАСДИҚЛАНГАН

Автотранспорт воситаларини тасарруф этиш

ва уларни бошқариш ҳуқуқини берувчи

ишончномаларни расмийлаштириш бўйича

КЎРСАТМА

(2000 йил 10 июндан амал қила бошлайди)

Тегишли идоралар томонидан кўрилаётган чора-тадбирларга қарамасдан автомототранспорт воситалари билан боғлиқ жиноий ҳатти-ҳаракатлар сони кескин камаймаяпти. Ушбу жиноятларни тезда очиш уларнинг бир қисми ишончнома орқали бошқарилаётганлиги ва ўзгага ўтказилаётганлиги сабабли эгаларини аниқлаш масаласида бирмунча қийинчиликлар вужудга келмоқда. Бунинг оқибатида эса, айбдорларни топиш ва уларни белгиланган тартибда жавобгарликка тортиш даври асоссиз чўзилиб кетмоқда.

Қайд этилганларни инобатга олган ҳолда қуйидагилар топширилади:

1. Автотранспорт воситаларини тасарруф этиш (олиш-сотиш, алмаштириш, ҳадя этиш) ва уларни бошқариш ҳуқуқини берувчи ишончномалар расмийлаштирилганида ваколатнома олувчига унинг икки нусхаси берилади. Ишончноманинг бир нусхаси ҳудудий ДАН бошқармаларининг "Рўйхатлаш ва имтиҳон бўлим (бўлинма)ларида" қолдирилади. Нотариус томонидан мазкур ваколатнома матнида: "у тегишли автомобил назорати идорасида 10 кун ичида белгиланган тартибда рўйхатдан ўтказилади ва рўйхатдан ўтказилмагунга қадар ҳақиқий эмас деб ҳисобланади" деб ёзилиши шарт.

2. Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармалари раҳбарларига қайд этилганларни барча нотариусларга ва улар орқали "Нотариат тўғрисида"ги Қонунда назарда тутилган нотариал тасдиқланган ҳужжатларга тенглаштириладиган ишончномаларни гувоҳлантирувчи шахсларга етказиш вазифаси юклатилади.