Ўзбекистон Республикаси Олий Мажлиси Қонунчилик палатаси Кенгашининг 05.06.2008 й. 801-I-сон, Ўзбекистон Республикаси Олий Мажлиси Сенати Кенгашининг 05.06.2008 й. 484-I-сон, Ўзбекистон Республикаси Вазирлар Маҳкамасининг 13.06.2008 й. 130-сон "Овози тожик" газетаси таҳририяти" давлат корхонасининг устави тўғрисида'ги Қарори

ҚАРОРИ

"ОВОЗИ ТОЖИК" ГАЗЕТАСИ ТАҲРИРИЯТИ"

ДАВЛАТ КОРХОНАСИНИНГ

УСТАВИ ТЎҒРИСИДА

"Оммавий ахборот воситалари тўғрисида"ги Ўзбекистон Республикаси Қонуни ҳамда Ўзбекистон Республикаси Вазирлар Маҳкамасининг "Ўзбекистон Республикасида оммавий ахборот воситаларини давлат рўйхатидан ўтказиш тартибини янада такомиллаштириш тўғрисида"ги 2006 йил 11 октябрда қабул қилинган 214-сонли Қарори ижросини таъминлаш мақсадида Ўзбекистон Республикаси Олий Мажлиси Қонунчилик палатасининг Кенгаши, Ўзбекистон Республикаси Олий Мажлиси Сенатининг Кенгаши ҳамда Ўзбекистон Республикаси Вазирлар Маҳкамаси ҚАРОР ҚИЛАДИЛАР:

1. "Овози тожик" газетаси таҳририяти" давлат корхонасининг устави иловага мувофиқ тасдиқлансин.

2. Тошкент шаҳар ҳокимлиги (А. Тўхтаев) "Овози тожик" газетаси таҳририяти" давлат корхонасини, Ўзбекистон Матбуот ва ахборот агентлиги (Б. Алимов) "Овози тожик" газетасини белгиланган тартибда давлат рўйхатидан ўтказишни таъминласин.

3. Ўзбекистон Республикаси Олий Мажлиси Қонунчилик палатаси Спикери ўринбосари Х.Н. Дўстмуҳамедов, Ўзбекистон Республикаси Олий Мажлиси Сенати Раиси ўринбосари Ф.Ф. Муҳитдинова ва Ўзбекистон Республикаси Бош вазири ўринбосари А.Н. Ариповга муассислар билан "Овози тожик" газетаси таҳририяти" давлат корхонаси ўртасида шартнома тузиш топширилсин.

4. Ўзбекистон Республикаси Олий Мажлиси Кенгаши ва Ўзбекистон Республикаси Вазирлар Маҳкамасининг 2003 йил 24 декабрда қабул қилинган "Овози тожик" газетаси таҳририятининг Устави тўғрисида"ги 586-II/565-сонли Қарори ўз кучини йўқотган деб топилсин.

"Ўзбекистон Республикаси қонун ҳужжатлари тўплами", 2008 йил, 24-25-сон, 218-модда.