Олий ва ўрта махсус таълим вазирлигининг 16-сон, Меҳнат ва аҳолини ижтимоий муҳофаза қилиш вазирлигининг 69-Қ/Қ-сон "Олий таълим муассасаларининг профессор-ўқитувчилар таркиби ва раҳбар ходимлари меҳнатига ҳақ тўлашнинг базавий лавозим маошлари миқдорини тасдиқлаш тўғрисида" 21.11.2012 й. Қарори

            

ҚАРОРИ

Олий таълим муассасаларининг профессор-ўқитувчилар

таркиби ва раҳбар ходимлари меҳнатига

ҳақ тўлашнинг базавий лавозим маошлари

миқдорини тасдиқлаш тўғрисида

Ўзбекистон Республикаси Президентининг 2012 йил 9 ноябрдаги ПФ-4482-сонли "Иш ҳақи, пенсиялар, стипендиялар ва ижтимоий нафақалар миқдорини ошириш тўғрисида"ги Фармони ҳамда Вазирлар Маҳкамасининг 2008 йил 1 августдаги 164-сонли "Республика олий таълим муассасалари ходимлари меҳнатига ҳақ тўлашнинг такомиллаштирилган тизимини тасдиқлаш тўғрисида"ги қарорининг 4-илова 11-бандини бажариш мақсадида,

ҚАРОР ҚИЛАМИЗ:

1. Ўзбекистон Республикаси Президентининг Фармонига мувофиқ, бюджет ташкилотлари ходимларининг иш ҳақи миқдори ошиши муносабати билан олий таълим муассасаларининг профессор-ўқитувчилар таркиби ва раҳбар ҳодимлари меҳнатига ҳақ тўлашнинг базавий лавозим маошлари Олий ва ўрта, махсус таълим вазирлиги ҳамда Меҳнат ва аҳолини ижтимоий муҳофаза қилиш вазирлиги томонидан қайта ишлаб чиқилганлиги инобатга олинсин.

2. 2012 йил 1 декабрдан олий таълим муассасаларининг профессор-ўқитувчилар таркибининг базавий лавозим маошлари миқдори 1-иловага, раҳбар ходимлари меҳнатига ҳақ тўлаш бўйича базавий лавозим маошлари миқдори 2-иловага ҳамда бошқа ходимлари меҳнатига ҳақ тўлаш бўйича базавий лавозим миқдорлари 3-иловага мувофиқ тасдиқлансин.

3. Республика олий таълим муассасалари ректорлари, филиаллар директорларига:

- олий таълим муассасаси раҳбар, профессор-ўқитувчилар ва бошқа ходимлари иш ҳақларини иловадаги базавий лавозим маошлари миқдорлари бўйича ўз вақтида қайта ҳисоб-китоб қилиш;

- 2012 йил 1 декабрдан эътиборан олий таълим муассасаларининг профессор-ўқитувчилар таркиби ва раҳбар ходимлари меҳнатига ҳақ тўлаш бўйича базавий лавозим маошлари миқдорининг ўзгариши муносабати билан қўшимча талаб этиладиган маблағлар билан ўз вақтида таъминласинлар.

4. 2012 йил 1 декабрдан Ўзбекистон Республикаси Олий ва ўрта махсус таълим вазирлиги ҳамда Ўзбекистон Республикаси меҳнат ва аҳолини ижтимоий муҳофаза қилиш вазирлигининг 2012 йил 23 июлдаги 4/34-ққ-сонли қарори ўз кучини йўқотган деб ҳисоблансин.

5. Мазкур қарор ижросининг назорати Олий ва ўрта махсус таълим вазири ўринбосари М. Иноятов, Меҳнат ва аҳолини ижтимоий муҳофаза қилиш вазирининг биринчи ўринбосари Б. Алимухамедовлар зиммасига юклатилсин.

    

ЎзР Олий ва ўрта махсус

таълим вазирлигининг 16-сон,

Меҳнат ва аҳолини ижтимоий

муҳофаза қилиш вазирлигининг

69-Қ/Қ-сон қарорига

1-ИЛОВА

Олий таълим муассасаларининг профессор-ўқитувчилар

таркиби меҳнатига ҳақ тўлаш бўйича

базавий лавозим маошлари

МИҚДОРИ

(сўм)

   

Изоҳ:

1. Ушбу иловада назарда тутилган базавий лавозим маошлари кадрлар малакасини ошириш ва уларни қайта тайёрлаш таълим муассасаларида (институтлар, факультетларда) тегишли лавозимлар учун ҳам қўлланилади, қонун ҳужжатларида назарда тутилган ҳоллар бундан мустасно.

2. Профессорлар ва доцентларнинг базавий лавозим маошлари тегишли равишда профессор ёки доцент илмий унвонига эга бўлган шахсларга (катта илмий ходимга) белгиланади.

3. Профессор ёки доцент лавозимига тайинланган, бироқ тегишли илмий унвонга эга бўлмаган профессор-ўқитувчилар таркибидан бўлган шахсларга икки йилгача бўлган муддатга базавий лавозим маошлари қуйидаги миқдорларда белгиланади:

профессор - 1068477 сўм;

доцент - 1015744 сўм.

ЎзР Олий ва ўрта махсус

таълим вазирлигининг 16-сон,

Меҳнат ва аҳолини ижтимоий

муҳофаза қилиш вазирлигининг

69-Қ/Қ-сон қарорига

2-ИЛОВА

Олий таълим муассасаларининг раҳбар

ходимлари меҳнатига ҳақ тўлаш бўйича

базавий лавозим маошлари

МИҚДОРИ

(сўм)

           

Изоҳ:

Ушбу иловада назарда тутилган базавий лавозим маошлари кадрлар малакасини ошириш ва уларни қайта тайёрлаш таълим муассасаларида (институтларда, факультетларда) тегишли лавозимлар учун ҳам қўлланилади, қонун ҳужжатларида назарда тутилган ҳоллар бундан мустасно.

ЎзР Олий ва ўрта махсус

таълим вазирлигининг 16-сон,

Меҳнат ва аҳолини ижтимоий

муҳофаза қилиш вазирлигининг

69-Қ/Қ-сон қарорига

3-ИЛОВА

Олий таълим муассасаларининг бошқа

ходимлари меҳнатига ҳақ тўлаш

бўйича базавий лавозим маошлари

МИҚДОРИ

               

            

Ўзбекистон Республикаси Олий ва ўрта махсус таълим вазирлиги, Ўзбекистон Республикаси Меҳнат ва аҳолини ижтимоий муҳофаза қилиш вазирлигининг "Олий таълим муассасаларининг профессор-ўқитувчилар таркиби ва раҳбар ходимлари меҳнатига ҳақ тўлашнинг базавий лавозим маошлари миқдорини тасдиқлаш тўғрисида"ги қарори

Келишув варақаси

Киритди:

С. Бузрукхонов

А. Навотный

Келишилди:

М. Арипджанов

Б. Алимуҳамедов

М. Иноятов

Р. Сулейманова

М. Азизова