Ўзбекистон Республикаси Тошкент вилоят ҳокимининг 09.01.2002 й. 7-сон "Тошкент вилояти 2002 йил асосий макроиқтисодий кўрсаткичлари ва маҳаллий бюджетининг параметрлари башорати тўғрисида"ги Қарори

ЎЗБЕКИСТОН РЕСПУБЛИКАСИ

ТОШКЕНТ ВИЛОЯТ ҲОКИМИНИНГ

ҚАРОРИ

09.01.2002 й.

N 7

ТОШКЕНТ ВИЛОЯТИ 2002 ЙИЛ АСОСИЙ

МАКРОИҚТИСОДИЙ КЎРСАТКИЧЛАРИ

ВА МАҲАЛЛИЙ БЮДЖЕТИНИНГ

ПАРАМЕТРЛАРИ БАШОРАТИ

ТЎҒРИСИДА

Ўзбекистон Республикаси Вазирлар Маҳкамасининг 2001 йил 31 декабрдаги "Ўзбекистон Республикаси 2002 йил асосий макроиқтисодий кўрсаткичлари ва Давлат бюджетининг параметрлари башорати тўғрисида"ги 490-сонли қарори ижросини таъминлаш мақсадида, ҚАРОР ҚИЛАМАН:

1. Ўзбекистон Республикаси Вазирлар Маҳкамасининг 2001 йил 31 декабрдаги "Ўзбекистон Республикаси 2002 йил асосий макроиқтисодий кўрсаткичлари ва Давлат бюджетининг параметрлари башорати тўғрисида"ги 490-сонли қарори раҳбарлик ва ижро учун қабул қилинсин.

2. Вилоятнинг 2002 йилги:

- бюджетининг даромадлар ва харажатлар тақсимоти 1-иловаси; Маҳаллий ва вилоят бюджетларининг даромад ва харажатлари миқдори, дотация ҳажмлари, 2-иловаси;

- Тошкент вилояти маҳаллий бюджетларига умумдавлат солиқларидан ажратмалар меъёри, 3-иловаси;

- Маҳаллий ва вилоят бюджетларининг айланма касса маблағларининг режасини тақсимоти. 4-иловаси тасдиқлансин.

3. Вилоят Молия бошқармасига ҳудудлар бўйича барча солнқ ва тўловларни тўлиқ тушишини таҳлил қилиб, биринчи даражали (иш ҳақи ажратмалар билан, нафақа, стипендия ва уларга тенглаштирилган тўловлар) харажатларни тўлиқ молиялаштириш шарти билан тегишли бюджетларга ажратиладиган дотация миқдорларига аниқлик киритиш ҳуқуқи берилсин.

4. Вилоят Молия бошқармасига маҳаллий бюджетдан амалга ошириладиган қўшимча харажатлар, "Бюджет тизими тўғрисида"ги Қонунга мувофиқ бюджет маблағлари ва бюджет олувчилар харажатлари асосли равишда қисқартирилшни бўйича таклифларни вплоят хокимлигига киритиш вазифаси юклатилсин.

5. Ўзбекистон Республикаси Солиқ кодекси асосида, 2002 йил 1 январдан:

- Тадбиркорлик фаолияти билан шуғулланувчи фуқароларга, юридик ва жисмоний шахсларга 2002 йил учун белгиланган қатъий солиқ миқдорлари 5 - 6-иловалари;

- Маҳаллий давлат бошқарув органлари томонидан жорий этиладиган маҳаллий солиқ ва йиғимлар миқдорлари 7-илова тасдиқлансин.

6. Ўзбекистон Республикаси Вазирлар Маҳкамасининг 2001 йил 31 декабрдаги "Ўзбекистон Республикаси 2002 йил асосий макроиқтисодий кўрсаткичлари ва Давлат бюджетининг параметрлари башорати тўғрисида"ги 490-сонли қарори билан:

- 2002 йил 1 январдан бошлаб, маҳаллий бюджет параметрларида кўзда тутилган харажатлар мақсадли схемаларни расмийлаштириш орқали молиялаштиришга йўл қўйилмаслиги;

- Ўзбекистон Республикаси Вазирлар Маҳкамасининг 1999 йил 3 сентябрдаги 414-сонли "Бюджет ташкилотларини маблағ билан таъминлаш тартибини такомиллаштириш тўғрисида"ги қарорининг 4-банди муддати 2005 йил 1 январгача узайтирилиб, бюджет ташкилотлари ҳодимларини ижтимоий ҳимоялашга йўналтириладиган маблағ улуши 25 фоизгача кўпайтирилиши кўзда тутилганлиги;

- Маҳаллий хокимият органларининг маъсулиятини ва манфаатдорлигини ошириш, тасдиқланган бюджет харажатларини ўз вақтида ва тўлиқ молиялаштиришни таъминлаш мақсадида сув ресурсларидан фойдаланганлик учун солиқ атроф муҳитни ифлослантирганлиги ва чиқиндиларни Ўзбекистон Республикаси ҳудудида жойлаштиргани учун йиғимлар, экология солиғи, кичик корхона ҳамда микро фирмалар учун ягона солиқ, юридик шахс мақомига эга бўлмаган тадбиркорлик фаолияти билан шуғулланувчи жисмоний шахсларнинг даромад солиғи, тадбиркорлик фаолиятининг алоҳида турлари билан шуғулланувчи юридик ва жисмоний шахслардан олинадиган чегараланган (фиксированный) солиғи; пиво, ўсимлик ёғи, гилам ва гилам маҳсулотлари, биллур ва ундан тайёрланган ёритиш асбоблари, мебель, видео-аудио аппаратуралари, ҳўжалик ва атир совун, кумушдан тайёрланган ошхона анжомлари учун акциз солиқлари тўлиқ ҳажмда. маҳаллий бюджетларга умдирилиши белгилаб қўйилганлиги маълумот учун қабул қилинсин.

7. Тошкент вилояти Ҳокимлиги Молия бошқармасига Ўзбекистон Республикаси Молия вазирлигининг билдиришномаларига мувофиқ бюджетнинг даромад ва харажат қисмларига ўзгартириш киритишга рухсат берилсин.

8. Мазкур қарорнинг ижросини назорат қилиш вилоят ҳокими муовини А.Р. Йўлдошев зиммасига юклатилсин.

Вилоят ҳокими                                                                           У. Мирзақулов

Тошкент вилоят ҳокимининг

2002 йил 9 январдаги

7-сонли қарорига

1-ИЛОВА

2000 ЙИЛДА ТОШКЕНТ ВИЛОЯТ БЎЙИЧА

МАҲАЛЛИЙ БЮДЖЕТНИНГ ДАРОМАДЛАР

ВА ХАРАЖАТЛАР ТАҚСИМОТИ

(вилоят бюджети)

минг сўмда

Тошкент вилоят ҳокимининг

2002 йил 9 январдаги

7-сонли қарорига

6-ИЛОВА

Тадбиркорлик фаолият билан шуғулланувчи

юридик шахслар ва фуқароларга 2002 йил

учун белгиланган қатъий солиқ миқдорлари

ЖАДВАЛИ

Тошкент вилоят ҳокимининг

2002 йил 9 январдаги

7-сонли қарорига

7-ИЛОВА

Тошент вилояти давлат бошқарув органлари томонидан

жорий этиладиган маҳаллий солиқ ва йиғимлар

МИҚДОРЛАРИ