Молия вазирлигининг 101-сон, "Ергеодезкадастр" қўмитасининг 113-сон, Давлат солиқ қўмитасининг 2008-43-сон "Аҳоли пунктларини бориш кийин бўлган ва тоғли ҳудудлар таркибига киритиш тартиби тўғрисидаги Йўриқномани тасдиқлаш ҳақида"ги 14.10.2008 й. Қарори (АВ томонидан 11.11.2008 й. 1868-сон билан рўйхатга олинган)
ЎЗБЕКИСТОН РЕСПУБЛИКАСИ
АДЛИЯ ВАЗИРЛИГИ ТОМОНИДАН
РЎЙХАТГА ОЛИНГАН
11.11.2008 й.
N 1868
ЎЗБЕКИСТОН РЕСПУБЛИКАСИ МОЛИЯ ВАЗИРЛИГИНИНГ 14.10.2008 й. N 101 |
ЎЗБЕКИСТОН РЕСПУБЛИКАСИ ЕР РЕСУРСЛАРИ, ГЕОДЕЗИЯ, КАРТОГРАФИЯ ВА ДАВЛАТ КАДАСТРИ ДАВЛАТ ҚЎМИТАСИНИНГ 14.10.2008 й. N 113 |
ЎЗБЕКИСТОН РЕСПУБЛИКАСИ ДАВЛАТ СОЛИҚ ҚЎМИТАСИНИНГ 14.10.2008 й. N 2008-43 |
ҚАРОРИ
Аҳоли пунктларини бориш қийин бўлган ва
тоғли ҳудудлар таркибига киритиш тартиби
тўғрисидаги йўриқномани тасдиқлаш ҳақида
(2008 йил 21 ноябрдан кучга киради)
Ўзбекистон Республикасининг Солиқ кодекси, Ўзбекистон Республикаси Президентининг 2006 йил 24 майдаги "Тадбиркорлик субъектларини давлат рўйхатига олиш ва ҳисобга қўйишнинг хабардор қилиш тартибини жорий этиш тўғрисида"ги ПҚ-357-сонли (Ўзбекистон Республикаси қонун ҳужжатлари тўплами, 2006 й., 20-21-сон, 174-модда) ва 2007 йил 12 декабрдаги "Ўзбекистон Республикасининг 2008 йилги асосий макроиқтисодий кўрсаткичлари ва Давлат бюджети параметрлари тўғрисида"ги ПҚ-744-сонли қарорларига (Ўзбекистон Республикаси қонун ҳужжатлари тўплами, 2007 й., 52-сон, 534-модда) мувофиқ ҚАРОР ҚИЛАМИЗ:
1. Илова қилинаётган аҳоли пунктларини бориш қийин бўлган ва тоғли ҳудудлар таркибига киритиш тартиби тўғрисидаги йўриқнома тасдиқлансин.
2. Мазкур қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгач кучга киради.
Молия вазири
|
Р. Азимов |
Ер ресурслари, геодезия, картография ва давлат кадастри давлат қўмитаси раиси
|
А. Абдуазизов |
Давлат солиқ қўмитаси раиси |
Б. Парпиев |
"Ўзбекистон Республикаси қонун ҳужжатлари тўплами", 2008 йил, 46-сон, 458-модда.