Ўзбекистон Республикаси Вазирлар Маҳкамасининг 05.06.2000 й. 214-сон "Ўзбекистон Республикаси Ҳуқуматининг айрим қарорларига ўзгартиришлар киритиш тўғрисида"ги Қарори

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

05.06.2000 й.

N 214

ЎЗБЕКИСТОН РЕСПУБЛИКАСИ ҲУҚУМАТИНИНГ

АЙРИМ ҚАРОРЛАРИГА ЎЗГАРТИРИШЛАР

КИРИТИШ ТЎҒРИСИДА

Вазирлар Маҳкамаси ҚАРОР ҚИЛАДИ:

2. Вазирлар Маҳкамасининг 1995 йил 14 февралдаги 55-син қарори (Ўзбекистон Республикаси ҚТ, 1995 й., 2-сон, З-модда) билан тасдиқланган Ўзбекистон Республикасида хусусий тадбиркорлик тўгрисидаги низомнинг 10-банди қуйидаги мазмундаги иккинчи хат боши билан тўлдирилсин:

"Хусусий корхонанинг юридик шахс сифатида давлат рўйхатидан ўтказилиши унинг Ўзбекистон Республикаси Ташқи иқтисодий алоқалар вазирлигида ташқи иқтисодий алоқалар) қатнашчиси сифатида қўшимча равишда рўйхатдан ўтказилмасдан ташқи иқтисодий фаолиятни амалга ошириши ва ваколатли банкларда валюта ҳисоб варақлари очиш учун асос бўлиб ҳисобланади".

10-банднинг иккинчи ва учинчи хат бошилари тегишли равишда учинчи ва тўртинчи хат бошилар деб ҳисоблансин.

3. Ўзбекистон Республикаси Вазирлар Маҳкамасининг 1995 йил 15 июндаги 221-сон қарори (Ўзбекистон Республикаси ҚТ, 1995 й., 6-сон, 21-модда) билан тасдиқланган Давлат корхоналарини очиқ турдаги акциядорлик жамиятларига айлантириш тартибининг 5-банди қуйидаги мазмундаги хат боши билан тўлдирилсин:

"Кичик ва ўрта тадбиркорлик субъекти бўлган акциядорлик жамиятининг давлат рўйхатидан ўтказилиши кўрсатиб ўтилган субъектларнинг Ўзбекистон Республикаси Ташқи иқтисодий алоқалар вазирлигида ташқи иқтисодий алоқалар қатнашчилари сифатида қўшимча равишда рўйхатдан ўтказилмасдан ташқи иқтисодий фаолиятни амалга ошириши ва ваколатли банкларда валюта ҳисоб варақлари очиши учун асос бўлиб ҳисобланади".

Вазирлар Маҳкамасининг Раиси                                          И. Каримов

"Ўзбекистон Республикаси Ҳукумати қарорлари тўплами", 2000 й., 6-сон, 27-модда.