Ўзбекистон Республикаси Олий Кенгашининг 07.05.1993 й. 844-XII-сон "Маҳаллий солиқлар ва йиғимлар тўғрисида"ги Ўзбекистон Республикасининг Қонунини амалга киритиш ҳақида"ги Қарори

ЎЗБЕКИСТОН РЕСПУБЛИКАСИ

ОЛИЙ КЕНГАШИНИНГ

ҚАРОРИ

07.05.1993 й.

N 844-XII

“МАҲАЛЛИЙ СОЛИҚЛАР ВА

ЙИҒИМЛАР ТЎҒРИСИДА”ГИ ЎЗБЕКИСТОН

РЕСПУБЛИКАСИНИНГ ҚОНУНИНИ

АМАЛГА КИРИТИШ ҲАҚИДА

Ўзбекистон Республикаси Олий Кенгаши ҚАРОР ҚИЛАДИ:

1. Ўзбекистон Республикасининг “Маҳаллий солиқлар ва йиғимлар тўғрисида”ги Қонуни эълон қилиниши биланоқ амалга киритилсин.

2. Ўзбекистон Республикаси Вазирлар Маҳкамаси:

ушбу Қонунга мувофиқ 1993 йилнинг охиригача қонун ҳужжатларининг лойиҳаларини Ўзбекистон Республикаси Олий Кенгаши муҳокамасига киритсин;

уч ой муддат ичида зарур қарорлар қабул қилсин, ҳамда Ўзбекистон Республикасининг “Маҳаллий солиқлар ва йиғимлар тўғрисида”ги Қонунига зид келадиган ҳукумат ва идоравий меъёрий ҳужжатлар қайта кўриб чиқилиши ва бекор қилинишини таъминласин.

Ўзбекистон Республикаси

Олий Кенгашининг Раиси                              Ш. Йўлдошев

"Ўзбекистон Республикаси Олий Кенгашининг Ахборотномаси", 1993 йил, 5- сон, 228- модда