Молия вазирлигининг 43-сон, Давлат солиқ қўмитасининг 2016-22-сон "Утилизация қилинган табиий (машъал) газ бўйича ер қаъридан фойдаланганлик учун солиқни тўлаш тартиби тўғрисидаги низомнинг 6-бандига ўзгартириш киритиш ҳақида"ги 06.06.2016 й. Қарори (АВ томонидан 14.06.2016 й. 2122-1-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

14.06.2016 й.

N 2122-1

ҚАРОРИ

Утилизация қилинган табиий (машъал)

газ бўйича ер қаъридан фойдаланганлик учун

солиқни тўлаш тартиби тўғрисидаги низомнинг

6-бандига ўзгартириш киритиш ҳақида

Ўзбекистон Республикасининг Солиқ кодекси ва Ўзбекистон Республикаси "Давлат солиқ хизмати тўғрисида"ги Қонунининг 7-моддасига мувофиқ Ўзбекистон Республикаси Молия вазирлиги ва Давлат солиқ қўмитаси ҚАРОР ҚИЛАДИ:

1. Ўзбекистон Республикаси Молия вазирлиги ва Давлат солиқ қўмитасининг 2010 йил 21 июндаги 49, 2010-25-сон қарори (рўйхат рақами 2122, 2010 йил 17 июль) (Ўзбекистон Республикаси қонун ҳужжатлари тўплами, 2010 й., 28-29-сон, 240-модда) билан тасдиқланган Утилизация қилинган табиий (машъал) газ бўйича ер қаъридан фойдаланганлик учун солиқни тўлаш тартиби тўғрисидаги низомнинг 6-банди қуйидаги таҳрирда баён этилсин:

"6. Ўзбекистон Республикаси Молия вазирлиги ва Давлат солиқ қўмитасининг 2013 йил 4 мартдаги 23, 2013-8-сон "Солиқ ҳисоботининг шаклларини тасдиқлаш тўғрисида"ги қарори (рўйхат рақами 2439, 2013 йил 22 март) билан тасдиқланган Ер қаъридан фойдаланганлик учун солиқ ҳисоб-китобининг "Қазиб олиш ҳажми, т., куб. м." устунида утилизация қилинган табиий (машъал) газ ҳажми кўрсатилади.".

2. Мазкур қарор расмий эълон қилинган кундан эътиборан кучга киради.

"Ўзбекистон Республикаси қонун ҳужжатлари тўплами",

2016 йил 20 июнь, 24-сон, 301-модда